بيىل قانشا وتانداسىمىزدىڭ رەسەيگە بارىپ، كوشى-قون قىزمەتىنىڭ تىركەۋىنە الىنعانى بەلگىلى بولدى، دەپ حابارلايدى Almaty-akshamy.kz قازاقپارات-قا سىلتەمە جاساپ.
«رەسەي ىشكى ىستەر مينيسترلىگىنىڭ مالىمەتى بويىنشا، 2023 جىلدىڭ ءبىرىنشى توقسانىندا 110 مىڭنان استام قازاقستاندىق رەسەيدىڭ كوشى-قون باقىلاۋىنا الىندى. ونىڭ 60 مىڭعا جۋىعى – ستۋدەنتتەر. ءقازىر جاز مەزگىلى، مۇمكىن كەيبىرى كەتىپ قالعان شىعار، ءبىرى سول ەلدە قالعان بولۋى مۇمكىن. سوندىقتان رەسەيدە قانشا ازاماتىمىز بار ەكەندىگى تۋرالى ناقتى ەسەپ جۇرگىزۋ وتە قيىن»، - دەدى سىرتقى ىستەر مينيسترلىگىنىڭ رەسمي وكىلى ايبەك سمادياروۆ بريفينگ بارىسىندا تىلشىلەردىڭ ساۋالىنا جاۋاپ بەرە تۇرىپ.
ودان بولەك، باسپا ءسوز ءماسليحاتى بارىسىندا: «ۆاگنەر» جەكە اسكەري كومپانياسىنىڭ قۇرامىنا كىرگەن قازاقستاندىقتار بار ما، ولار اسكەري ارەكەتتەرگە قاتىسقان جوق پا؟»، - دەگەن ساۋال قويىلدى.
ايبەك سمادياروۆ: «بىزدە ەشقانداي رەسمي اقپارات جوق»، - دەپ قىسقا قايىردى.
«رەسەيدەگى جاعداي بويىنشا ەلگە كەلەمىن دەگەن ستۋدەنتتەر بولدى. سوڭعى 2-3 كۇن ىشىندە «ازاماتتارىمىزدى نەلىكتەن ەۆاكۋسيا جاسامايسىزدار؟ دەگەن كوپ سۇراقتار بولدى. ايتايىن دەگەنىم، ەكى ەل اراسىنداعى شەكارا اشىق، رەسەيدە سوعىس جاريالانعان جوق. اۋە قاتىناسى دا قالپىندا، پويىزدار مەن كولىكتەر ءجۇرىپ جاتىر. سوندىقتان ءار ادامنىڭ ءوز ەركى. ازاماتتارىمىزدى ەۆاكۋاسيالايتىن جاعداي ەمەس»، - دەيدى ۆەدومستۆودان.