سىرتقى ىستەر مينيسترلىگى مەن ىشكى ىستەر مينيسترلىگى قازاقستان ازاماتتارىنا پاسپورتتى رەسىمدەۋ مەرزىمدەرىن قىسقارتۋ بويىنشا «پيلوتتىق جوبانى» جۇزەگە اسىرىپ جاتىر، دەپ حابارلايدى almaty-akshamy.kz ءسىم سايتىنا سىلتەمە جاساپ.
ۆەدومستۆو شەت ەلدەردە مەملەكەتتىك قىزمەت كورسەتۋ پروسەسىن وڭتايلاندىرۋ شەڭبەرىندە، اسىرەسە، COVID-19 پاندەمياسىنا بايلانىستى جاعدايدا قىزمەت كورسەتۋدىڭ مەرزىمدەرىن قىسقارتۋعا ەرەكشە كوڭىل ءبولىپ وتىر.
«قازىرگى ۋاقىتتا ءسىم مەن ءىىم گەرمانيا اۋماعىندا تۇرىپ جاتقان قازاقستان ازاماتتارىنا پاسپورتتى رەسىمدەۋ مەرزىمدەرىن قىسقارتۋ بويىنشا «پيلوتتىق جوبانى» جۇزەگە اسىرۋدا. بۇدان بۇرىن مەملەكەتتىك قىزمەت كورسەتۋدىڭ مەرزىمى 80 كۇن بولسا، ەندىگىدە مەملەكەتتىك ورگانداردىڭ بىرلەسكەن ءىس-قيمىلى ارقاسىندا قىزمەت كورسەتۋدىڭ مەرزىمى 30 كۇنگە دەيىن قىسقاردى»، دەلىنگەن حابارلامادا.
مينيسترلىكتىڭ مالىمدەۋىنشە، بۇگىندە قازاقستاننىڭ گەرمانياداعى شەتەلدىك مەكەمەلەرى ارقىلى ءوتىنىش بىلدىرگەن 33 ازامات پاسپورتىن جاڭادان بەكىتىلگەن مەرزىم ىشىندە الدى.
ايتا كەتەتىنى، «پيلوتتىق جوبا» رەسەيدەگى ق ر ەلشىلىگىندە جانە اقش-تاعى ق ر شەتەلدىك مەكەمەلەرىندە ءساتتى جۇزەگە اسىرىلىپ كەلەدى. پاسپورت رەسىمدەۋ مەرزىمىن قىسقارتۋدى كوزدەيتىن ەلدەردىڭ ءتىزىمىن كەڭەيتۋ جالعاسادى.