تاۋەلسىزدىككە - 30 جىل
پاۆلوداردا ستۋدەنتتەر ءۇيىنىڭ قابىرعاسىندا «الاش» قوزعالىسىنىڭ كوشباسشىلارى بەينەلەندى، دەپ حابارلايدى Almaty-akshamy.kz
مۋرالدىڭ اۆتورى - جاس سۋرەتشى لاۋرا سەيتقازينوۆا. ول 29 جاسقا تولماعان تالانتتى سۋرەتشىلەر اراسىنداعى قازاقستان رەسپۋبليكاسى تاۋەلسىزدىگىنىڭ 30 جىلدىعى تاقىرىبىندا «ستريت Art» ۇزدىك ەسكيز بايقاۋىندا جەڭىمپاز اتانعان.
پاۆلودار پەداگوگيكالىق ۋنيۆەرسيتەتىنىڭ تاربيە ءىسى جانە الەۋمەتتىك ماسەلەلەر جونىندەگى پرورەكتورى ولگا اندريۋششەنكو پاۆلودار قالاسى اكىمدىگىنىڭ وكىلدەرىنە ستۋدەنتتەر ءۇيىنىڭ عيماراتىن مۋرالدى بەينەلەيتىن ورىن رەتىندە تاڭداعانى ءۇشىن العىس ايتتى.
«الاش» سىيلىعىنىڭ يەگەرى، اقىن، قوعام قايراتكەرى، پاۆلودار قالاسىنىڭ قۇرمەتتى ازاماتى ارمان قاني كەرەكۋدە اشىلعان مۋرالدىڭ ونەر تۋىندىسى عانا ەمەس، ساياسي يدەولوگيالىق ءمانى زور كورنەكى قۇرال بولىپ تابىلاتىنىن ايتتى.