قازاقستان IT-قىزمەتتەردىڭ حالىقارالىق نارىعىن سەنىمدى تۇردە جاۋلاۋدا. وتاندىق ازىرلەمەلەر ءقازىردىڭ وزىندە 86 شەت مەملەكەتكە ەكسپورتتالادى. ەكسپورتتىڭ نەگىزگى باعىتتارى – رەسەي، يرلانديا، مەكسيكا، اقش جانە سينگاپۋر. 2024 جىلى تابىس $300 ملن-نان استى. سونىمەن قاتار ءبىزدىڭ ەلىمىز ۆەنچۋرلىق مامىلەلەردىڭ كولەمى بويىنشا كوشباسشى سانالادى. مىسالى، وتكەن جىلى ولاردىڭ سوماسى $80 ملن-دى قۇرادى. ماڭىزدى ينۆەستيسيالار CITIX، Hero's Journey، Higgsfield AI جانە باسقا دا كومپانيالاردان تارتىلدى. بۇگىنگى تاڭدا ولاردىڭ كەيبىرىنىڭ قۇنى $100 ملن-عا جەتتى.
قازاقستاندا اقپاراتتىق تەحنولوگيالاردى دامىتۋدا IT-حاب ماڭىزدى ءرول اتقارادى. ارناۋلى الاڭداردا ءتۇرلى اكسەلەراسيالىق باعدارلامالار وتكىزىلەدى، جەتەكشى ساراپشىلار مەن ينۆەستورلار تارتىلادى. وسىلايشا، كوممەرسيالىق ونىمدەردىڭ سىرتقى نارىقتارعا شىعۋىن جەڭىلدەتەدى.
