بۇگىندە بۇۇ باعالاۋى بويىنشا قازاقستان سيفرلاندىرۋ سالاسىندا ىلگەرى جەتىستىكتەردى كورسەتىپ وتىر. ءبىزدىڭ ەلىمىز 193 مەملەكەت اراسىندا 24ء-شى ورىندا، سونداي-اق ونلاين-قىزمەتتەر يندەكسى بويىنشا 10 كوشباسشىنىڭ قاتارىنا كىرەدى، دەپ حابارلايدى aqshamnews.kz
بۇگىندە ينتەرنەت ارقىلى مەملەكەتتىك قىزمەتتەرگە قول جەتكىزۋ 92%-عا جەتتى. 2024 جىلى قازاقستاننىڭ IT-سالاسى قارقىندى ءوسىمدى كورسەتتى. IT-كومپانيالاردىڭ سانى 18 683-كە جەتتى. سوڭعى ءۇش جىلدا 16% ءوسىم.
سونىمەن قاتار IT-ماماندارعا سۇرانىس ارتىپ كەلەدى. قازىرگى ۋاقىتتا IT-سالاداعى جۇمىسپەن قامتۋ 12%-عا ارتىپ، 187 مىڭ ادامعا جەتتى. بۇل سالاداعى ورتاشا ايلىق جالاقى 2024 جىلى 54%-عا ءوسىپ، 673 مىڭ تەڭگەگە جەتتى.
مەملەكەت باسشىسىنىڭ تاپسىرماسىن ىسكە اسىرۋ ماقساتىندا جەكە IT-مەكتەپتەردى ىنتالاندىرۋ ارقىلى 2025 جىلعا قاراي 20 مىڭ IT-مامان دايارلاۋعا باعىتتالعان Tech Orda باعدارلاماسى ىسكە قوسىلدى. بۇگىنگى تاڭدا ولار اقپاراتتىق تەحنولوگيالار سالاسىندا 16 مىڭنان استام ساراپشى دايىندادى.
