ول جانساقتاۋ بولىمىندە جاتىر.
اۋرۋ جۇقتىرعان ءۇش ادامنىڭ بىرەۋى رەانيماسيادا، ەكەۋىنىڭ جاعدايى ورتاشا، دەپ حابارلايدى Almaty-akshamy.kz قاراعاندى وبلىستىق دەنساۋلىق ساقتاۋ باسقارماسىنىڭ باسپا ءسوز حاتشىسى اينۇر ابدييەۆانىڭ سوزىنە سىلتەمە جاساپ.
بۇدان بۇرىن توپار كەنتىندە ءسىبىر جاراسىنىڭ وشاعى انىقتالعانىن حابارلاعانبىز.
كەنتكە اباي قالاسىنان كىرە بەرىستە كولىكتەردى سانيتارلىق وڭدەۋدەن وتكىزۋ ءۇشىن بەكەت ورناتىلدى. كارانتيندىك شارالاردى ساقتاۋ ءۇشىن جارتاس كەنتىنەن توپار كەنتىنە ەكىنشى كىرەبەرىس ۋاقىتشا جابىلدى.تۇرعىنداردىڭ قوزعالىسىنا شەكتەۋ قويىلعان جوق. سونداي-اق كەنتتەن مال اكەتۋگە جانە اكەلۋگە، ونى شارۋاشىلىقتار ىشىندە ساۋدالاۋعا، اۋرۋ مالدىڭ ءسۇتىن پايدالانۋعا، مال سويۋعا جانە سول اۋماقتان جەم مەن جەمشوپ قوسپالارىن پايدالانۋعا تىيىم سالىندى.
جاعداي ۋاكىلەتتى قىزمەتتەردىڭ تولىق باقىلاۋىندا. وقيعا ورنىندا سانيتارلىق-ەپيدەميولوگيالىق باقىلاۋ، دەنساۋلىق ساقتاۋ، ۆەتەريناريالىق باقىلاۋ كوميتەتىنىڭ اۋماقتىق ينسپەكسياسى مەن ۆەتەريناريا باسقارماسىنىڭ، رەسپۋبليكالىق ەپيزووتياعا قارسى توپتىڭ ءبىر توپ قىزمەتكەرلەرى جۇمىس ىستەۋدە.