كولىك پوليسەيلەرى جۇك ۆاگوندارىنان تۇرمىستىق تەحنيكا ۇرلاعان ءبىر توپ ادامدى ۇستادى.
الماتى-1 ستانسياسىنداعى جەلىلىك پوليسيا باسقارماسىنىڭ قىزمەتكەرلەرى جەدەل-ىزدەستىرۋ ءىس-شارالارىن جۇرگىزۋ بارىسىندا الماتى وبلىسىنىڭ ەكى تۇرعىنىن ۇستادى، دەپ حابارلايدى Almaty-akshamy.kz.
بۇل جونىندە كولىكتەگى پوليسيا دەپارتامەتىنىڭ باستىعى باقىتجان مالىبايەۆ حابارلادى.
– كۇدىكتىلەردىڭ، الدىن الا ءسوز بايلاسۋ ارقىلى جەتىگەن ستانسياسىندا قحر – الماتى باعىتى بويىنشا قاتىنايتىن جۇك ۆاگوندارىنان بىرنەشە رەت تۇرمىستىق تەحنيكالاردى ۇرلاعاندارى انىقتالدى (اكۆاريۋمعا ارنالعان جابدىق – 43 دانا، 14 كونديسيونەر، 114 سۋ جىلىتقىش، 63 ەلەكتر پليتا) دەپ مالىمدەدى ب. مالىبايەۆ.
قاساقانا جاسالعان قىلمىستىق ارەكەتتەردىڭ سالدارىنان جەكەمەنشىك كومپانيالارعا 9 ملن تەڭگەدەن استام سوماعا ماتەريالدىق زالال كەلتىرىلگەن. كولىك پوليسەيلەرىنىڭ جەدەل ءارى ۇيلەسىمدى جۇرگىزگەن ءىس-شارالارىنىڭ ارقاسىندا جابىرلەنۋشىلەرگە كەلتىرىلگەن زالال تولىق كولەمدە وتەلگەن.
سونداي-اق ۆەدومستۆا باسشىسىنىڭ ايتۋىنشا، قازىرگى ۋاقىتتا اتالعان فاكتىگە قاتىستى الماتى 1 ستانسياسىنداعى جپب قىزمەتكەرلەرى قىلمىستىك كودەكستىڭ 188-بابتىڭ 3-بولىگى 3-تارماعى بويىنشا سوتقا دەيىنگى تەرگەۋ جۇرگىزىلىپ جاتىر. وندا مۇلكi تاركiلەنىپ، ەكى جىلدان جەتi جىلعا دەيiنگi مەرزiمگە باس بوستاندىعىن شەكتەۋ، نە سول مەرزىمگە باس بوستاندىعىنان ايىرۋ قاراستىرىلعان.