شىۇ ساۋدا-ساتتىق وركەندەۋدە

ءوزارا ساۋدا قارقىندى دامۋدا

قازاقستاننىڭ شىۇ ەلدەرىمەن تاۋار اينالىمى نەبارى 7 ايدا 19% ءوسىپ، 36،5 ملرد دوللاردى قۇرادى، دەپ حابارلايدى Almaty-akshamy.kz Qazaqtv.com cايتىنا سىلتەمە جاساپ.

جەتەكشى سالالاردىڭ ءبىرى – اگروونەركاسىپ. مۇندا جىل سايىن ايتارلىقتاي ءوسۋ بايقالادى. ترانزيتتىك-كولىكتىك الەۋەت تە ەلەۋلى پروگرەستى كورسەتىپ وتىر.

ەلىمىز ارقىلى وتەتىن جۇك تاسىمالى، وتكەن جىلدىڭ وسى كەزەڭىمەن سالىستىرعاندا، جىل باسىنان بەرى 25%-عا ارتىق.

جالپى، پاندەمياعا قاراماستان، وسى جىلدىڭ 7 ايىندا ۇيىمعا مۇشە مەملەكەتتەر اراسىنداعى تاۋار اينالىمى 40%-عا ءوستى. شىۇ ەلدەرى بۇگىندە قول جەتكىزگەن جەتىستىكتەرىمەن توقتاپ قالماق ەمەس.

ولار ءتۇرلى سالاداعى ءوزارا ءىس-قيمىلدى ودان ءارى تەرەڭدەتۋدى جوسپارلاپ وتىر. ودان باسقا ۇيىم ازىق-تۇلىك قاۋىپسىزدىگى رەزەرۆىن جانە ازىق-تۇلىك سەكتورىندا ينۆەستيسيالىق قور قۇرۋدى جوسپارلاۋدا.

«ءوز تاراپىمىزدان شىۇ ەلدەرىنەن ازىق-تۇلىك، باسەكەگە قابىلەتتى اۋىل شارۋاشىلىعى ونىمدەرىن يمپورتتاۋعا دايىنبىز. بۇل ەلدەر اراسىنداعى ءوزارا ساۋدا تەڭگەرىمىنە قول جەتكىزۋگە مۇمكىندىك بەرەدى. اتالمىش شارالار پراكتيكالىق ىنتىماقتاستىقتىڭ بەرىك نەگىزىن قالايدى»، - دەدى قحر مەملەكەتتىك كەڭەسىنىڭ پرەمەر-مينيسترى لي كەسيان.