الماتىدا بۇگىن روبوتوتەحنيكادان «Robocon 2021» ەكىنشى رەسپۋبليكالىق چەمپيوناتى وتۋدە.
«Robocon 2021» روبوتوتەحنيكا چەمپيوناتىنىڭ اشىلۋىندا ءسوز سويلەگەن الماتى قالاسى اكىمىنىڭ ورىنباسارى ەرجان باباقۇماروۆ «الماتى جاس تالانتتار مەن باتىل باستامالارعا اشىق» ەكەنىن ايتتى، دەپ حابارلايدى Almaty-akshamy.kz
الماتى قالاسى اكىمىنىڭ ورىنباسارى ەرجان باباقۇماروۆ چەمپيوناتتى اشىپ، بۇل شارانىڭ قازاقستان رەسپۋبليكاسىنىڭ تۇڭعىش پرەزيدەنتى كۇنىنە جانە قازاقستان رەسپۋبليكاسى تاۋەلسىزدىگىنىڭ 30 جىلدىعىنا ورايلاستىرىلعانىن اتاپ ءوتتى.
«بۇگىنگى جاھاندىق باسەكە – تەحنولوگيا باسەكەسى. روبوتوتەحنيكا – تەحنولوگيالىق سەرپىلىستىڭ نەگىزگى باعىتتارىنىڭ ءبىرى. "Robocon 2021" كاسىبي ءوسۋ، قارىم-قاتىناس جانە شىعارماشىلىق ءۇشىن جاڭا مۇمكىندىكتەر اشادى. چەمپيوناتتى بولاشاقتا الەمدىك تەحنولوگيا نارىعىنداعى باسەكەلەستىككە دايىندىق رەتىندە قاراستىرۋعا بولادى. چەمپيوناتقا قاتىسۋشى – IT، ەلەكترونيكا جانە روبوتوتەحنيكا سالاسىندا عىلىممەن اينالىساتىن دايىن جاس مامان. الماتى جاس تالانتتار مەن باتىل باستامالارعا اشىق»، - دەدى ەرجان باباقۇماروۆ.
بيىلعى چەمپيوناتقا ەلىمىزدەن 13 ستۋدەنتتىك كوماندا قاتىسۋدا. روبوتوتەحنيكا بايقاۋى جاس عالىمدارعا ديزاين مەن مەحانيكادان، ەلەكترونيكادان باستاپ، روبوتتى ينتەللەكت باعدارلاماسىن جازۋعا دەيىن روبوتتاردى ازىرلەۋدى نولدەن باستاۋعا مۇمكىندىك بەرەدى.
چەمپيوناتتىڭ نەگىزگى ماقساتى – قازاقستان جاستارىنىڭ وزدەرىنىڭ ستارتاپ جوبالارىن ءارى قاراي جۇزەگە اسىرۋى جانە قازاقستاننىڭ يننوۆاسيالىق قىزمەتىنە بەلسەندى قاتىسۋى ءۇشىن زاماناۋي تەحنيكالىق ءبىلىم بەرۋ، سونداي-اق دارىندى جاستاردى انىقتاۋ، وقىتۋ، ىرىكتەۋ جانە قولداۋ بولىپ تابىلادى.
ءوز كەزەگىندە نۇرسۇلتان نازاربايەۆ قورىنىڭ الماتىداعى وكىلدىگىنىڭ ديرەكتورى سەرگەي توقتاروۆ چەمپيونات قازاقستاندىق ستۋدەنتتەر وزدەرىن جانە روبوتوتەحنيكادا مىقتى جاقتارىن كورسەتە الاتىن، تالىمگەرلەردىڭ قولداۋىنا يە بولىپ، قازاقستاندا سيفرلاندىرۋدى دامىتۋعا ءوز ۇلەستەرىن قوساتىن اۋقىمدى الاڭ ەكەنىن اتاپ ءوتتى. نۇرسۇلتان نازاربايەۆ قورى دارىندى جاس قازاقستاندىقتاردى انىقتاۋ جانە قولداۋ ماقساتىندا رەسپۋبليكانىڭ جاس بۋىنىنىڭ دارىندىلىعىن اشۋعا باعىتتالعان وسىنداي جوبالاردى بەلسەندى تۇردە قولدايدى.
ەلوردادان تىكەلەي ەفيرگە شىققان قازاقستان رەسپۋبليكاسى ءبىلىم جانە عىلىم ۆيسە-مينيسترى قۋانىش ەرعالييەۆ 2019 جىلى ءبىرىنشى چەمپيونات جوعارى دەڭگەيدە وتكەنىن، وعان وتاندىق جوعارى وقۋ ورىندارى ستۋدەنتتەرىنىڭ باستاماشىل توپتارى قاتىسقانىن، روبوتتاردى شىعارۋ ءۇشىن تولىق جابدىقتالعان جاڭا روبوتوتەحنيكا زەرتحانالارى سالىنعانىن اتاپ ءوتتى. «ETU Robocon 2021» كورمەسىنە نۇر-سۇلتان، الماتى، قىزىلوردا، پاۆلودار، وسكەمەن جانە الماتى وبلىسىنىڭ ستۋدەنتتىك كوماندالارى قاتىسۋدا.
بايقاۋعا ستۋدەنتتەر ەكى روبوت قۇراستىردى – اۆتوماتتاندىرىلعان جانە باسقارىلاتىن.
ءبىرىنشىسىنىڭ مىندەتى – ءيمپروۆيزيرلى پلانەتاعا «زىمىران» جىبەرۋ، ال ەكىنشىسى بەلگىلى ءبىر تراەكتوريا بويىنشا قوزعالىپ، تەسىككە شارلاردى ءتۇسىرۋى ءتيىس. بارلىق روبوتتار نولدەن جانە قولدا بار قۇرالداردان - كارتوننان، پلاستيكتەن، مەتاللدان، باتارەيالاردان، ارقانداردان جانە ت.ب. قۇراستىرۋ ارقىلى جاسالدى. نەگىزگى شارت - قۇرىلعى Arduino پلاتفورماسىندا جۇمىس ىستەۋى كەرەك. بۇل ءوزىنىڭ پروسەسسورى مەن جادىسى بار شاعىن تاقتا. بارلىق قاجەتتى پارامەترلەرى بار الدىن الا جازىلعان باعدارلاما پروسەسسورعا جۇكتەلەدى، ول ارقىلى روبوت باسقارىلادى. بارلىق ءىس-شارالار ارنايى جابدىقتالعان ويىن الاڭىندا وتەدى.
جالپى، ءىس-شارا روبوت جاساۋ سالاسىن دامىتۋعا جانە ەلدەگى سيفرلاندىرۋ دەڭگەيىن كوتەرۋگە مۇمكىندىك بەرەدى.