قازاقستان پرەزيدەنتى قاسىم-جومارت توقايەۆ شىۇ پليۋس وتىرىسىنا قاتىسۋشىلار الدىندا ءسوز سويلەدى، دەپ حابارلايدى اlmaty-akshamy.kz.
مەملەكەت باسشىسى بۇگىندە الەم بۇرىن-سوڭدى بولماعان گەوساياسي قايشىلىقتار مەن شيەلەنىس الەۋەتىنىڭ كۇشەيۋىنەن تۋىنداعان كۇردەلى سىن-قاتەرلەرمەن بەتپە-بەت كەلىپ وتىرعانىن اتاپ ءوتتى.
"حالىقارالىق قاۋىپسىزدىك ارحيتەكتۋراسىنا ءقاۋىپ ءتونىپ تۇر، بۇل بۇكىل ادامزات ءۇشىن اۋىر زارداپتارعا اكەلۋى مۇمكىن. وسىنداي تاعدىرشەشتى كەزەڭدە بىزگە وڭىرلىك جانە جاھاندىق دەڭگەيدە ۇجىمدىق كۇش-جىگەر ارقىلى بەيبىتشىلىكتى، تۇراقتىلىق پەن قاۋىپسىزدىكتى نىعايتۋ ءۇشىن وراسان زور جاۋاپكەرشىلىك جۇكتەلەدى"، – دەدى قاسىم-جومارت توقايەۆ.
ونىڭ ايتۋىنشا، شىۇ ءوزىنىڭ بەدەلىن، ەلەۋلى ەكونوميكالىق جانە ادامي رەسۋرستارىن ەسكەرە وتىرىپ، تۇراقتى دامۋ ماقساتتارىنا قول جەتكىزۋ جانە زاماناۋي سىن-قاتەرلەردى ەڭسەرۋ ءۇشىن ءتيىمدى شەشىمدەر ازىرلەۋگە قابىلەتتى.
بۇعان دەيىن ەلورداداعى تاۋەلسىزدىك سارايىندا شىۇ-نىڭ كەڭەيتىلگەن قۇرامداعى وتىرىسى باستالدى. وعان قاتىسۋشىلار بىرلىك، كەلىسىم جانە دامۋ ماسەلەلەرىن تالقىلايدى.