ەكى باعىتتا دا كولىك قوزعالىسى جابىلادى.
الماتى قالاسى جەتىسۋ اۋدانىندا 2024 جىلدىڭ 5 شىلدەدەگى ساعات 20:00-دەن 8 شىلدەدەگى ساعات 23:00-گە دەيىن اينابۇلاق شاعىن اۋدانىندا جۇمابايەۆ پەن ماقاتايەۆ كوشەلەرىنىڭ قيىلىسىن قامتيتىن اۋماقتا كولىك قوزعالىسى جابىلادى، دەپ حابارلايدى اlmaty-akshamy.kz.
ماقاتايەۆ كوشەسىندەگى جول بولىگىنىڭ استىنان وتەتىن، 1981 جىلدان بەرى پايدالانۋعا بەرىلگەن 2135 مەترلىك قۇبىردى جاڭعىرتۋ ۋچاسكەسىندە جوسپارلى جۇمىستاردى جۇرگىزۋ قاۋىپسىزدىگىن قامتاماسىز ەتۋ ءۇشىن ۋاقىتشا شەكتەۋلەر ەنگىزىلدى.
بۇل قۇبىر 344 كوپپاتەرلى تۇرعىن ءۇيدى، 11 ءبىلىم بەرۋ نىسانىن، 3 دەنساۋلىق ساقتاۋ نىسانىن جانە 483 باسقا نىساندى جىلۋمەن جانە ىستىق سۋمەن قامتاماسىز ەتەدى. جاڭعىرتۋ جۇمىستارى كەزەڭىندە اتالعان تۇتىنۋشىلار ىستىق سۋمەن بۇرىنعىسىنشا ۇزدىكسىز قامتاماسىز ەتە بەرىلەتىن بولادى.
ەستەرىڭىزگە سالا كەتەيىك، قوزعالىستى شەكتەۋگە قاتىستى بارلىق اقپاراتAlmaty.kz سايتىندا، Telegram @AlmatyJoly ارناسىندا، اۋدان اكىمدىكتەرى مەن باسقارمالارىنىڭ الەۋمەتتىك جەلىلەرىندە، سونداي-اق «2GIS» جانە «ياندەكس كارتالارى» سەرۆيستەرىندە ورنالاستىرىلعان.
ۋاقىتشا قولايسىزدىقتارعا تۇسىنىستىكپەن قاراۋلارىڭىزدى جانە بۇل اۋماقتى اينالىپ ءوتۋ جولدارىن الدىن الا قاراستىرۋلارىڭىزدى سۇرايمىز.
«الماتى جىلۋ جۇيەسى» ج ش س