شىۇ فورۋمى بولۋدا

شانحاي ىنتىماقتاستىق ۇيىمىنىڭ فورۋمى چۋنسيندە وتۋدە.

اتالعان فورۋمعا وففلاين جانە ونلاين فورماتتا 18 ەلدىڭ وكىلدەرى قاتىسادى، دەپ حابارلايدى Almaty-akshamy.kz.

فورۋم پانەلدىك سەسسيالار، ءتۇرلى پىكىرتالاستار جانە وزەكتى ماسەلەلەردى تالقىلاۋ تۇرىندە وتەدى. تالقىلاۋلار وزىق تەحنولوگيالارمەن عانا ەمەس، شىۇ ەلدەرىنىڭ جالپى دامۋىمەن دە بايلانىستى بولماق.

«مەنىڭ ويىمشا، پلاتفورمانى نەعۇرلىم كوپ بولىسەتىن بولساق، سوعۇرلىم بارلىق ەل ءۇشىن اشىق بولادى. بۇل، ءبىر جاعىنان، تاجىريبەنى زەرتتەۋگە جاقسى. ەكىنشى جاعىنان، بەلگىلى ءبىر ارەكەتتەردى جاساۋ ءۇشىن كەرەك. ءبىزدىڭ ەلدە بار تەحنولوگيالار باسقا مەملەكەتتەردە دە بەيىمدەلىپ، شىۇ وڭىرلەرىنىڭ شەڭبەرىندە جۇمىس ىستەۋى ءۇشىن قولايلى بولادى»، - دەدى شىۇ ەلدەرىنە ارنالعان كوپ فۋنكسيونالدى ساۋدا-ەكونوميكالىق الاڭىنىڭ باس حاتشىسىنىڭ ورىنباسارى وليم اليموۆ.

چۋنسيندەگى فورۋممەن قاتار «Smart China Expo-2021» كورمەسى ۇيىمداستىرىلدى. ستەندتەردىڭ جالپى اۋدانى – 70 مىڭ شارشى مەتر. مۇندا جاساندى ينتەللەكت جانە باسقا دا جاڭا تەحنولوگيالار سالاسىنداعى جوبالاردى جاساۋداعى ەلدەردىڭ جەتىستىكتەرىن كورسەتەتىن ساندىق نوۋ-حاۋدىڭ الۋان ءتۇرىن كورۋگە بولادى. كورمەگە بارلىعى 30-دان استام ەلدەن 610 حالىقارالىق كومپانيا تارتىلعان.