اڭىز تۇلعا ءابىش كەكىلبايەۆتىڭ شىعارماسىنا فيلم ءتۇسىرىلدى
«قازاقفيلم» كينوستۋدياسىنىڭ دەرەگىنشە، رەجيسسەر جاڭابەك جەتىرۋوۆ تۇسىرگەن «شىڭىراۋ» كوركەم ءفيلمى رەسەيدە وتەتىن XXVII حالىقارالىق «ادەبيەت جانە كينو» اتتى كينوفەستيۆالدىڭ نەگىزگى بايقاۋىنا قاتىسادى، Almaty-akshamy.kz.
گاچينا قالاسىندا قىركۇيەكتىڭ 24ء-ى مەن قازاننىڭ 2ء-سى ارالىعىندا وتەتىن فەستيۆال شەڭبەرىندە ادەبي نەگىزى بار، جازۋشىلاردىڭ شىعارمالارى جەلىسىمەن تۇسىرىلگەن كينوتۋىندىلار عانا كورسەتىلەتىنىن ايتا كەتكەن ءجون.
ەستەرىڭىزگە سالا كەتسەك، ءابىش كەكىلبايەۆتىڭ «شىڭىراۋ» پوۆەسىنىڭ جەلىسى بويىنشا تۇسىرىلگەن كارتينا قۇدىق قازۋشى ەڭسەپتىڭ وقيعاسىن بايانداي وتىرىپ، مەنمەندىك، باقتالاستىق، ماحاببات، دوستىق، قاستاندىق سىندى ادامعا ءتان قۇبىلىستاردى كوتەرەدى.
«ءابىش كەكىلبايەۆتىڭ «شىڭىراۋ» پوۆەسى جەلىسىمەن تۇسىرىلگەن فيلم دۇنيە جۇزىنە ەسىمدەرى بەلگىلى تولستوي، چەحوۆ، دوستويەۆسكيي، كافكا سياقتى ۇلى جازۋشىلاردىڭ شىعارماسى بويىنشا تۇسىرىلگەن فيلمدەرمەن ءبىر كونكۋرستىق باعدارلامادا كورسەتىلەتىنىنە قۋانىشتىمىن»، - دەدى رەجيسسەر جاڭابەك جەتىرۋوۆ.
سونداي-اق «ادەبيەت جانە كينو» كينوفەستيۆالى ەڭ العاش 27 جىل بۇرىن 1995 جىلى گاچينا قالاسىندا وتكەن بولاتىن. فەستيۆال شەڭبەرىندە جىل سايىن رەسەيلىك جانە الەمدىك جاڭا فيلمدەر كورسەتىلەدى.
قىركۇيەكتىڭ 24-دە اتالعان فەستيۆال الەكسەي تەلنوۆتىڭ «ارحيپەلاگ» فيلمىمەن اشىلادى. نەگىزگى بايقاۋعا بارلىعى 24 تۋىندى قاتىسادى.
ق ر مادەنيەت جانە سپورت مينيسترلىگى تاپسىرىسى بويىنشا، ش.ايمانوۆ اتىنداعى «قازاقفيلم» اق تۇسىرگەن «شىڭىراۋ» كوركەم ءفيلمى قىركۇيەكتىڭ 28ء-ى كۇنى ساعات 19:00-دە «پوبەدا» كينوكونسەرت زالىندا (گاچينا ق-سى، 25ء-شى وكتيابر كوش.، 5 ءۇي) كورسەتىلەدى.