بالا شامامەن 3 اي جانساقتاۋ بولىمشەسىندە بولعان.
شىمكەنتتە قاتتى كۇيىكتەن 19 وپەراسيا جاساتقان 10 جاسار بالانىڭ جاعدايى جاقسارىپ كەلەدى، دەپ حابارلايدى اlmaty-akshamy.kz ق ر دەنساۋلىق ساقتاۋ مينيسترلىگىنىڭ باسپا ءسوز قىزمەتىنە سىلتەمە جاساپ.
التى ايدان بەرى اۋرۋحانادا جاتقان بالا تەمىرجول توسەنىشىندە ويناپ ءجۇرىپ، ەلەكتر توگىنان قاتتى كۇيىك العان.
وقيعا 2022 جىلعى 9 قاراشادا شىمكەنت قالاسىنداعى تەمىرجول ۆوكزالىنىڭ جانىندا بولعان ەدى. بۇگىنگى تاڭدا دارىگەرلەر اۋىر جاعدايدا جەتكىزىلگەن پاسيەنتكە 13 رەت تەرىنى اۋىستىرۋ وپەراسياسىن جانە 6 نەكرەكتوميا جاسادى.
دەنەسى تولىق كۇيىپ قالعان بالا شامامەن 3 اي قالالىق بالالار كلينيكالىق اۋرۋحاناسىنىڭ رەانيماسيا بولىمشەسىندە بولدى جانە پالاتاعا اۋىستىرىلدى.
شىمكەنت قالاسىنداعى بالالار كلينيكالىق اۋرۋحاناسىنىڭ كومبۋستيولوگ دارىگەرى بۇل جاعداي تۋرالى بىلاي دەدى:
«پاسيەنت اۋرۋحاناعا 2022 جىلعى 9 قاراشادا وتە اۋىر جاعدايدا ءتۇستى. كۇيىك مولشەرى ۇلكەن، 65 پايىز بولدى. ءبىزدىڭ اۋرۋحانادا كۇيىكپەن ەمدەلىپ جاتىر، ءقازىر جاعدايى جاقساردى»، - دەيدى ول.
«اۋرۋحاناداعى بىلىكتى دارىگەرلەر بالانىڭ ساۋىعىپ كەتۋى جانە وڭ ناتيجەلەرگە قول جەتكىزۋى ءۇشىن قولدان كەلگەننىڭ ءبارىن جاسايدى»، -دەلىنگەن حابارلامادا.