سەنبىلىككە 100 دەن استام كۋرسانت قاتىستى.
«Clean & Green» جالپىقالالىق سەنبىلىگىنە راديوەلەكترونيكا جانە بايلانىس اسكەري-ينجەنەرلىك ينستيتۋتىنىڭ جانە الماتى اسكەري-تەحنيكالىق مەكتەبىنىڭ 100-دەن استام كۋرسانتتارى قاتىستى، دەپ حابارلايدى اlmaty-akshamy.kz.
جالپىقالالىق سەنبىلىككە ق ر قورعانىس مينيسترلىگىنە قاراستى اسكەري-تەحنيكالىق مەكتەپ ديرەكتورىنىڭ ورىنباسارى مۇرات ساحراتوۆ شاكىرتتەرىمەن بىرگە كەلدى. جىگىتتەر اۋماقتى كۇل-قوقىستان تازارتىپ، شىرشا مەن اعاش كوشەتتەرىن وتىرعىزدى.
الماتى اسكەري-تەحنيكالىق مەكتەبى ديرەكتورىنىڭ ورىنباسارى مۇرات ساحراتوۆ قورشاعان ورتانى قورعاۋ، تابيعاتتى ايالاۋعا باعىتتالعان مۇنداي اكسيالاردىڭ تاربيەلىك ءمانى زور دەيدى.
«بۇگىن سەنبىلىك بولاتىنىن ەستىپ، كۋرسانتتارىمىزبەن بىرگە باۋم توعايىن اباتتاندىرۋعا كەلدىك. ءبىزدىڭ جىگىتتەر وزىمىزگە بولىنگەن اۋماقتى تۇگەل تازالاپ، قوقىسىن جيناپ، كوشەتتەر وتىرعىزدى. قالا تۇرعىندارى ءتارتىپ ساقتايدى، تازالىق ساقتايدى دەپ سەنەمىن. جىگىتتەر بىلەكتەرىن سىبانىپ، اعاش وتىرعىزىپ جاتىر، ءار پلانتاسيادا وقۋشىلاردىڭ ءاتى-جونى جازىلعان تاقتايشالار ءىلىنىپ تۇر. اپتا بويى ولار كەلىپ، سۋعارىپ، كوشەتتەردى كۇتىپ وتىرۋعا مىندەتتى. سۇيىكتى قالامىزدى كوركەيتۋگە اتسالىسىپ جاتقانىمىزعا وتە قۋانىشتىمىز».
