شىمكەنت قالاسىنداعى جارىلىس كەزىندە پەريناتالدىق ورتالىقتا ءبىر نارەستە شەتىنەپ كەتتى، دەپ حابارلايدى Almaty-akshamy.kz Almaty.tv-گە سىلتەمە جاساپ.
وبلىستىق دەنساۋلىق ساقتاۋ باسقارماسى ۇسىنعان مالىمەتكە سايكەس، شىمكەنتتەگى وبلىستىق 1 پەريناتالدىق ورتالىق جارىلعان جەكە مەنشىك ءدارىحانانىڭ ءدال جانىندا ورنالاسقان.
«جارىلىس كەزىندە ورتالىقتا 189 پاسيەنت جانە 65 قىزمەتكەر بولعان. وقيعا سالدارىنان پەريناتالدىق ورتالىقتىڭ 1 قىزمەتكەرى قازا تاۋىپ، 1 نارەستە شەتىنەدى. بالانىڭ تۋعانىنا 18 تاۋلىك، سالماعى 790 گرامم بولعان. بۇدان بولەك، 8 ادام جاراقات الدى»، - دەيدى باسقارما ماماندارى.
زارداپ شەككەن ادامداردى تۇركىستان وبلىستىق كلينيكالىق اۋرۋحاناعا، شىمكەنت قالالىق كلينيكالىق اۋرۋحاناسىنا، 2 قالالىق اۋرۋحاناعا جەتكىزدى.
ايتا كەتەيىك، جارىلىس بولعان عيمارات «مەجبولنيچنايا 138 اپتەكا»جشس-ىنە تيەسىلى. عيماراتتىڭ پەريناتالدىق ورتالىققا قاتىسى جوق.