شىعىس قازاقستان وبلىسىندا قوعامدىق ۇيىمدار جەتەكشىلەرى الداعى رەفەرەندۋمعا قاتىستى ويلارىن ورتاعا سالدى، دەپ حابارلايدى Almaty-akshamy.kz Inform.kz-كە سىلتەمە جاساپ.
وسكەمەندە رەفەرەندۋمدى قولداۋ جونىندەگى وڭىرلىك قوعامدىق شتاب مۇشەلەرى قوعامدىق ۇيىمدار جەتەكشىلەرىمەن كەزدەستى. ولار الداعى رەفەرەندۋمعا قاتىستى پىكىر الماسىپ، ءوز ويلارىن ورتاعا سالدى. وبلىستىق شتاب ءتوراعاسى ولەگ چەرنىشوۆ قازاقستان رەسپۋبليكاسىنىڭ كونستيتۋسياسىنا ەنگىزىلىپ جاتقان نەگىزگى وزگەرىستەرگە توقتالدى. ال شقو پروكۋراتۋراسى ارداگەرلەر كەڭەسىنىڭ ءتوراعاسى، وبلىستىق قولداۋ شتابىنىڭ مۇشەسى عازيز نايزابايەۆ جاڭا وزگەرىستەردە ازاماتتار قۇقىقتارىنىڭ قامتاماسىز ەتىلۋىنە قاتىستى ءسوز قوزعادى.
«رەفەرەندۋم – ءاربىر ازاماتتىڭ جەكە پىكىرى ەسكەرىلەتىن ماڭىزدى ساياسي وقيعا. وسى رەتتە، قازاقستاننىڭ ءولىم جازاسىنان باس تارتۋى – ۇلكەن جەتىستىك. بۇل بۇرىننان بەرى كوتەرىلىپ كەلە جاتقان ۇسىنىس ەدى. ەندى ناقتى شەشىم قابىلدانادى. سوندىقتان جاڭا قازاقستاننىڭ قالىپتاسۋىنا ءاربىر ازامات ءوز ۇلەسىن قوسىپ، 5 ماۋسىمدا دۇرىس تاڭداۋ جاساۋ كەرەك»، - دەدى ول.
جيىنعا قاتىسقان قوعامدىق ۇيىمدار جەتەكشىلەرى ۇسىنىلىپ جاتقان وزگەرىستەردى قولدايتىندىقتارىن ايتىپ، رەفەرەندۋمدا داۋىس بەرەتىندىكتەرىن جەتكىزدى.