شىمكەنتتە كەڭسە قاعازدارىن شىعاراتىن زاۋىت جۇمىسى توقتادى

كاسىپورىننىڭ جابىلۋىنا شيكىزاتتىڭ دۇرىس جەتكىزىلمەۋى سەبەپ بولعان. 

 زاۋىتتا وزگە جەتكىزۋشىنى تابۋدىڭ وڭاي بولماعانىن مالىمدەدى. كاسىپورىندا جۇمىستى قالىپقا كەلتىرۋ ءۇشىن مەملەكەتتىڭ ارالاسۋى كەرەك ەكەنىن ايتتى، دەپ حابارلايدى Almaty-akshamy.kz Elorda.info-عا سىلتەمە جاساپ.

بۇعان دەيىن كاسىپورىن ا4 فورماتىنداعى 3 ميلليون قاپتاما مەن ا3 فورماتىنداعى قاعازدىڭ 300 مىڭ قاپتاماسىن شىعارعان. ءقازىر ءوندىرىس تولىعىمەن توقتاپ تۇر. 

سونداي-اق ەلىمىزدە كەڭسە قاعازىنىڭ تاپشىلىعى بايقالعان. ساۋداگەرلەر يمپورتتىق تاۋاردىڭ جەتكىزىلۋى قىسقارعاندىقتان، باعانىڭ بىردەن ءوسىپ كەتكەنىن ايتادى. ەندى قاعازدىڭ ءبىر قاپتاماسىن ەكى ەسە باعاعا ساتىپ الۋعا تۋرا كەلەدى. 

«قازاقستان ءوز-وزىن شيكىزاتپەن قامتاماسىز ەتە المايدى. ورماننىڭ نەگىزگى بولىگى رەسەي جانە فينليانديادا. سەلليۋلوزدى-قاعاز كومبيناتى قازاقستاندىق كومپانيالار ارقىلى شيكىزاتتى بىزگە ساتادى. جىلدىق كولەمدى ءبىلۋ ءۇشىن تىكەلەي ءوزىمىز ساتىپ الۋىمىز كەرەك. بۇلاي بولعان جاعدايدا سىرتتان ءونىم اكەلەتىندەرمەن باسەكەگە تۇسە الار ەدىك. ەگەر تولىق قۋاتتا جۇمىس ىستەسەك، نارىق قاجەتتىلىگىنىڭ 20%-ىن وتەيمىز»، – دەدى زاۋىت ديرەكتورىنىڭ ورىنباسارى قانات الىمبايەۆ.