الماتى قالاسىنىڭ اكىمى ەربولات دوسايەۆتىڭ وكىمىمەن قالانىڭ ەنەرگوتيىمدىلىك جانە ينفراقۇرىلىمدىق دامۋ باسقارماسىنىڭ باسشىسى لاۋازىمىنا الين سانجار مەڭدىباي ۇلى تاعايىندالدى، دەپ حابارلايدى اlmaty-akshamy.kz.
سانجار الين 1984 جىلى 30 تامىزدا الماتى قالاسىندا تۋعان. 2007 جىلى حالىقارالىق ماركەتينگ ماماندىعى بويىنشا «Regents Business College» ءبىتىرىپ، 2009 جىلى «The University of Winchestetr» ىسكەرلىك اكىمشىلىك ماگيسترى دارەجەسىن العان، 2015 جىلى د.ا. قونايەۆ اتىنداعى كولىك جانە قۇقىق گۋمانيتارلىق ۋنيۆەرسيتەتىن بىتىرگەن.
ءتۇرلى جىلدارى جەكە قۇرىلىمداردا باسشىلىق قىزمەتتەر اتقارعان. ساتۋ جانە ماركەتينگ، قارجى قۇرىلىمدارى، قۇرىلىس، ەنەرگەتيكا جانە كۆازيمەملەكەتتىك سەكتور سالالارىندا، سونداي-اق مەملەكەتتىك قىزمەتتە جۇمىس تاجىريبەسى بار.
ەڭبەك جولىن «قازاقستان تەلەكوممۋنيكاسيالارى» جاق-دا («كاتەلكو پليۋس») كليەنتتەرمەن جۇمىس جونىندەگى مەنەدجەر، تەحنيكالىق كەڭەسشى لاۋازىمىنان باستاعان.
2006 جىلى «Bang and Olufsen» كومپانياسىنىڭ حالىقارالىق وكىلدىگىندە ماركەتينگ بويىنشا مەنەدجەر لاۋازىمىن اتقاردى، كەيىننەن وڭىرلىك دامۋ جونىندەگى ديرەكتور لاۋازىمىنا اۋىستىرىلدى.
2010 جىلى «Asia Capital باسقارۋشى كومپانياسى» اق-نىڭ اكتيۆتەردى باسقارۋ ءبولىمىنىڭ باستىعى بولىپ تاعايىندالدى.
2011 جىلى ەلەكتوراۋديتپەن، ەنەرگيا ۇنەمدەۋ جۇيەلەرىن جوبالاۋمەن جانە ەنگىزۋمەن اينالىساتىن «Friendy Energy» جشس-نىڭ نەگىزىن قالادى.
2014 جىلدىڭ جەلتوقسان ايىنان بەرى «سامۇرىق-قازىنا» كورپوراتيۆتىك ۋنيۆەرسيتەتىندە («قازاقستان ينجينيرينگ ۇلتتىق كومپانياسى» اق) كەڭەسشى قىزمەتىن اتقارعان، قورعانىس-ونەركاسىپ كەشەنى جوبالارىنىڭ كەلەشەگىنە باعا جۇرگىزدى، سونداي-اق اسكەري جانە ەكى ماقساتتاعى ونىمدەردى ءوندىرۋ بويىنشا باعىتتاردى دامىتۋدى جۇزەگە اسىردى.
2016 جىلى «قازمۇنايگاز» ۇك اق-نىڭ مامانداندىرىلعان ەنشىلەس كومپانياسى «تەڭىز سەرۆيس» جشس-نىڭ اتىراۋ فيليالىنىڭ ديرەكتورى بولىپ تاعايىندالدى. «تەڭىزشيەۆرويل» (تشو) تاپسىرىسى بويىنشا جۇك تاسىمالداۋ مارشرۋتىن سالۋدىڭ ماتراگ جوباسى جونىندە FGP (بولاشاق كەڭەيتۋ) جوباسى جۇمىس توبىنا باسشىلىق ەتتى.
2017 جىلى «GoodWiil Partners» ج ش س باس ديرەكتورىنىڭ مىندەتىن اتقاردى جانە بيزنەستى باسقارۋ، ەنەرگيا تيىمدىلىگىن ارتتىرۋ سالاسىنداعى كونسالتينگكە، تكش سالاسىنداعى جاڭا تەحنولوگيالىق شەشىمدەردى ەنگىزۋگە مامانداندى.
2019-2020 جىلدار ارالىعىندا الماتى قالاسى ەنەرگوتيىمدىلىك جانە ينفراقۇرىلىمدىق دامۋ باسقارماسىنىڭ ەنەرگيا تيىمدىلىگى جانە ەنەرگيا ۇنەمدەۋدى ارتتىرۋ ءبولىمىنىڭ باسشىسى قىزمەتىن اتقاردى.