شىمكەنتتە بوپسالاۋشىلار توبى قاماۋعا الىندى. ۇستالعاندار ەكى كاسىپكەرگە كۇش قولدانىپ، ولاردىڭ كولىگىن زاڭسىز يەمدەنىپ العان، – دەپ حابارلايدى almaty-akshamy.kz Polisia.kz. سىلتەمە جاساپ.
قالالىق پد-نىڭ ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى ارنايى وپەراسيا بارىسىندا بوپسالاۋشىلار توبىن قۇرىقتادى.
توپ مۇشەلەرى – 20-40 جاس ارالىعىنداعى ازاماتتار. ولاردىڭ باسىم بولىگى بۇرىن سوڭدى بىرنەشە رەت قىلمىستىق جاۋاپكەرشىلىككە تارتىلعان.
ۇستالعاندار ۇزاق ۋاقىت بويى جەرگىلىكتى ەكى كاسىپكەردەن قوقان-لوقى كورسەتۋ جانە كۇش قولدانۋ ارقىلى اقشا بوپسالاپ، BMW مەن ۆا3-2114 اۆتوكولىكتەرىن زاڭسىز يەمدەنىپ العان. تەكسەرۋ كەزىندە ءتورت اتىس قارۋى، وق-دارىلەرىمەن، ەسىرتكى قۇرالدارى جانە وزگە دە زاتتاي ايعاقتار تاركىلەندى.
پوليسياعا 10 ادام جەتكىزىلدى، ونىڭ ىشىندە توپتىڭ ەڭ بەلسەندى ءتورت مۇشەسى قاماۋعا الىندى. قازىرگى ۋاقىتتا ق ر قىلمىستىق كودەكسىنىڭ بىرنەشە بابى بويىنشا سوتقا دەيىنگى تەرگەۋ جۇرگىزىلىپ جاتىر.