ەكولوگيا جانە تابيعي رەسۋرستار مينيسترلىگى ەلىمىزدە ناقتى قانشا كيىك اتىلعانىن ناقتىلادى، دەپ حابارلايدى almaty-akshamy.kz
2023 جىلعى 13 قاراشاداعى مالىمەت بويىنشا، جالپى 15 380 كيىك اۋلاندى. ونىڭ ىشىندە 3 954 كيىك (اقمولا وبلىسىندا 10 كيىك، باتىس قازاقستان وبلىسىندا 3 944 كيىك) ارنايى قورشاۋعا الىنىپ ۇستالسا، اتۋ ارقىلى 11 426 كيىك (اقمولا وبلىسىندا 1 833، قاراعاندى وبلىسىندا 2049، قوستاناي وبلىسىندا 1 479 جانە باتىس قازاقستان وبلىسىندا 6065 باس) اۋلاندى، - دەپ جازىلعان مينيسترلىكتىڭ حابارلاماسىندا.
بۇعان دەيىن ەكولوگيا جانە تابيعي رەسۋرستار ءمينيسترى ەرلان نىسانبايەۆ كيىك سانىن قولدان رەتتەۋ جوسپارى بارىن ايتقان ەدى.
بيولوگيالىق نەگىزدەمە بويىنشا، كيىك سانىن رەتتەۋدىڭ ەكى ءتاسىلى ۇسىنىلدى. ءبىرىنشىسى – ارنايى قورشاۋدا ۇستاۋ، ەكىنشىسى – تۇندە اتۋ، - دەدى ول.