قازىرگى تاڭدا ۇستالعان ازاماتقا قاتىستى سوتقا دەيىنگى تەرگەۋ امالدارى جۇرگىزىلىپ جاتىر
شىمكەنتتە مەديسينالىق مەكەمەدەن 500 مىڭ تەڭگە بوپسالاماق بولعان كۇدىكتى ۇستالدى. قازىرگى تاڭدا ول سوت شەشىمىمەن قاماۋعا الىنىپ، سوتقا دەيىنگى تەرگەۋ امالدارى ءجۇرىپ جاتىر، دەپ حابارلايدى Almaty-akshamy.kz قازاقپاراتقا سىلتەمە جاساپ.
كۇنى كەشە الەۋمەتتىك جەلىلەردە بلوگەردىڭ اقشا بوپسالاپ، ۇستالعانى تۋرالى اقپارات تاراعان ەدى.
بۇگىن وسىعان قاتىستى قالالىق پوليسيا دەپارتامەنتى رەسمي مالىمەت جاريا ەتتى.
ءتارتىپ ساقشىلارىنىڭ ايتۋىنشا، شىمكەنت قالالىق كريمينالدىق پوليسياسىنا شەنەۋنىك شاعىمدانعان. ول قالاداعى ەمحانالاردىڭ ءبىرىنىڭ دارىگەرلەرىنەن الدەبىرەۋلەر اقشا تالاپ ەتكەنىن جەتكىزدى.
«ەر ادامنىڭ ايتۋىنشا، ءوزىن بلوگەر دەپ تانىستىرعان بىرنەشە ادام ودان جارتى ميلليون تەڭگە كولەمىندە اقشا بوپسالاعان. ءوز كەزەگىندە ولار اكىمشىلىك عيماراتتا مەملەكەتتىك تۋ جىرتىلعان بەينەجازبانى تاراتپاۋعا ۋادە ەتكەن. اتالعان جايتتى پوليسيا قىزمەتكەرلەرى ق ر قك 194-بابى «بوپسالاۋ» بويىنشا تىركەدى. سونداي-اق، كريمينالدىق پوليسيا قىزمەتكەرلەرى بارلىق قاجەتتى جەدەل شارالاردى قابىلداپ، ىزدەستىرۋ جۇمىستارىن جۇرگىزدى. ناتيجەسىندە كۇدىكتى قىلمىس ۇستىندە قولعا ءتۇستى. كۇدىكتى ازاماتتى ۇستاۋ بارىسىندا ونىڭ Toyota Camry ماركالى اۆتوكولىگىنەن 300 000 تەڭگە كولەمىندەگى اقشا تاركىلەندى»،- دەلىنگەن شىمكەنت قالالىق پد حابارلاماسىندا.
قازىرگى تاڭدا ۇستالعان ازاماتقا قاتىستى سوتقا دەيىنگى تەرگەۋ امالدارى جۇرگىزىلىپ جاتىر. تەرگەۋشىلەر وقيعاعا قاتىستى بارلىق ءمان-جايدى انىقتاۋ ۇستىندە.