حاركوۆ وبلىسىندا 30 پولياك جالدامالى جاۋىنگەرىنىڭ كوزى جويىلعانى ايتىلدى
رەسەي كۇشتەرى كييەۆتى قايتا اتقىلاي باستادى. كەشە شاھار شەتىندەگى مەكەندەرگە زىمىراندارمەن سوققى جاسالدى.
جاقىندا رەسەي قورعانىس مينيسترلىگى كييەۆتى نىساناعا الاتىنىن حابارلاعان ەدى. مالىمەتكە قاراعاندا رەسەي جاساقتارى سوڭعى ءبىر تاۋلىكتە ۋكراينانىڭ 13 نىسانىن تالقانداپ، 200-دەن استامىن ىستەن شىعارعان.
حاركوۆ وبلىسىندا 30 پولياك جالدامالى جاۋىنگەرىنىڭ كوزى جويىلعانىن دا ايتادى.
«كييەۆتىڭ ۇلتشىل بيلىگىنىڭ رەسەي اۋماعىندا كەز كەلگەن لاڭكەستىك جانە ديۆەرسيالىق ارەكەتىنە قاراي كييەۆتەگى نىساندارعا زىمىرانمەن سوققى بەرۋ كۇشەيتىلەدى. رەسەيدىڭ اۋە شابۋىلىنا قارسى كۇشتەرى ءساۋىردىڭ 14ء-ى كۇنى بريانسك وبلىسىنىڭ كليموۆ اۋىلىندا بەيبىت تۇرعىندارعا شابۋىل جاساعان ۋكراينالىق تىكۇشاقتى اتىپ ءتۇسىردى»،-دەدى رەسەي قورعانىس مينيسترلىگىنىڭ رەسمي وكىلى يگور كوناشەنكوۆ.