استانادا ەر ادام تانىسىنىڭ اقشاسىن ونلاين كازينوعا سالىپ جىبەرگەن، – دەپ حابارلايدى Polisia.kz.
پوليسياعا 59 جاستاعى جەرگىلىكتى تۇرعىن ارىز بەرىپ، تانىسىنىڭ الاياقتىق جولمەن 4 ميلليون تەڭگەدەن استام قارجىسىن جىمقىرعانىن ايتقان. جابىرلەنۋشىنىڭ ايتۋىنشا، ول بەيتانىس ەر اداممەن تانىسىپ، ەكەۋى الكوگولدىك ىشىمدىك ءىشىپ وتىرعان كەزدە ول الداپ، تەلەفونىن الىپ كەتكەن.
سودان كەيىن كۇدىكتى ونلاين كازينو ەسەپشوتىنا جابىرلەنۋشىنىڭ دەپوزيتىنەن 2،3 ملن تەڭگەگە جۋىق اقشا اۋدارىپ جىبەرگەن. بۇعان قوسا، ول تاعى دا بىرنەشە كۇننىڭ ىشىندە قاراجاتتى يەمدەنىپ، بانكتىڭ ءموبيلدى قوسىمشاسىن پايدالانا وتىرىپ، تاۋارلىق نەسيە راسىمدەپ، جالپى سوماسى 2 ميلليون تەڭگەگە جۋىق زالال كەلتىرگەن.
جەدەل-ىزدەستىرۋ شارالارى بارىسىندا الماتى اۋداندىق پوليسيا قىزمەتكەرلەرى اقشا جىمقىرۋمەن اينالىستى دەگەن كۇدىكپەن 33 جاستاعى شىمكەنت قالاسىنىڭ تۇرعىنىن انىقتاعان.
قىلمىستى جاساعانىن مويىنداعان ەر ادامنىڭ بۇرىن ەلوردادا جاسالعان باسقا دا قىلمىسقا قاتىسى بار-جوعى انىقتالىپ جاتىر.