وتكەن جىلدىڭ سوڭىندا الماتى حالىقارالىق اۋەجايىنىڭ باسشىسى ورنىن بوساتقان بولاتىن. ازىرشە ورىنعا جاڭا تاعايىنداۋ بولعانى جايىندا ەشقانداي اقپارات بەرىلگەن جوق. دەگەنمەن، بۇگىن الماتى اۋەجايى اۆتوتۇراق ءتاريفىن كوتەرگەنى تۋرالى اقپارات تارادى. تاريفتەردىڭ كوتەرىلۋىنە تۇراق اۋماعىنا ۇزاق ۋاقىت تۇراتىن كولىكتەردىڭ كۇن وتكەن سايىن سانىنىڭ وسۋىنە سەبەپ بولسا كەرەك، دەپ حابارلايدى اlmaty-akshamy.kz.
ەندى، اۋە ايلاعىنا كۇنىنە ەكى رەتتەن كوپ ەمەس 15 مينۋتقا تەگىن كىرە الاسىز. مۇنان باسقا شلاگباۋمنان ءاربىر وتكەنىڭىز ءۇشىن اقى تولەيتىن بولاسىز. سونىمەن:
- 15 مينۋتتان 1 ساعاتقا دەيىن – 500 تەڭگە؛
- 1 ساعاتتان 2 ساعاتقا دەيىن – 700 تەڭگە؛
- 2 ساعاتتان 4 ساعاتقا دەيىن – 1000 تەڭگە؛
- 4 ساعاتتان 6 ساعاتقا دەيىن – 1500 تەڭگە؛
- 6 ساعاتتان 12 ساعاتقا دەيىن – 2400 تەڭگە؛
- 12-دەن 24 ساعاتقا دەيىن – 3500 تەڭگە؛
- 24 ساعاتتان استام، كەيىنگى تولىق جانە ءىشىنارا كۇندەرگە – 5 000 تەڭگە.
ايتپاقشى، بيلەتتى جوعالتىپ الساڭىز، تاعى 500 تەڭگە تولەۋگە تۋرا كەلەدى. وڭتۇستىك اۆتوتۇراق ايماعىنداعى جانە اۆك عيماراتىنىڭ اۋماعىنداعى تاريفتەر وزگەرىسسىز قالادى.