ول 2022 جىلى قايىرىمدىلىق بويىنشا ۇلكەن ۇلتتىق كونفەرەنسيا وتكىزىلگەنىن ەسكە سالدى. 40-تان استام اۋقىمدى كەزدەسۋ ءوتتى، وعان 1173 ۇكىمەتتىك ەمەس ۇيىم قاتىستى.
قور قىزمەتىنىڭ باسىم باعىتتارى دەنساۋلىق ساقتاۋ، الەۋمەتتىك قولداۋ، ءبىلىم بەرۋ، مادەنيەت جانە سپورت سالالارىندا حالىققا قايىرىمدىلىق كومەك كورسەتۋ، سونداي-اق توتەنشە جاعداي كەزىندە زارداپ شەككەن ازاماتتارعا كومەك كورسەتۋ بولدى. قوردىڭ باعدارلامالارى ەلدىڭ بارلىق 20 وڭىرىندە اۋىلدىق ەلدى مەكەندەر مەن شاعىن قالالارعا باسا نازار اۋدارا وتىرىپ ىسكە اسىرىلادى.
«قور ءوزىنىڭ قىزمەت ەتۋ مەرزىمىندە 67 قايىرىمدىلىق باعدارلاما مەن جوبالاردىڭ باستاماشىسى بولدى، ولاردى جالپى سوماسى 177 ملرد تەڭگەگە ىسكە اسىرۋ جوسپارلانعان. «قازاقستان حالقىنا» قورى يەلىك ەتەتىن قارجى رەسۋرستارىنسىز قايىرىمدىلىق جوبالارىنا باستاماشىلىق جاساۋ جانە ىسكە اسىرۋ مۇمكىن بولماس ەدى. قوردىڭ رەسۋرستارى قايىرىمدىلىق جارنالارى ەسەبىنەن قالىپتاستىرىلدى. قازىرگى ۋاقىتتا قورعا 196،6 ملرد تەڭگە ءتۇستى. ونىڭ ىشىندە 2 جىل ىشىندە قور جالپى سوماسى 90،9 ملرد تەڭگەگە قايىرىمدىلىق كومەك كورسەتتى. بۇگىنگى تاڭدا شىعىندار 90،9 ملرد تەڭگەنى قۇرادى، ءبىراق ءبىز بەكىتكەن جانە ىسكە اسىرۋمەن اينالىساتىن جوبالاردىڭ بارلىعى 177 ملرد تەڭگەنى قۇرادى»، - دەدى ب.جامىشيەۆ.
سونداي-اق ول 131 ملرد تەڭگەنى 60 قازاقستاندىق كومپانيا، 20 ملرد تەڭگەدەن ءسال استام سومانى «سامۇرىق - قازىنا» قورى اۋدارعانىن، ال 39 ملرد تەڭگە ءىرى دونور-جەكە تۇلعالاردان كەلىپ تۇسكەنىن حابارلادى. بۇدان بولەك، حالىقتان دا اقشا اۋدارىمدارى بار ەكەنىن اتاپ ءوتتى. مىسالى، بىرنەشە كۇن بۇرىن ءۇش قۇرىلىس كومپانياسىنان بالالار مەن جاستارعا پروتەز جاساۋ جوباسىن ىسكە اسىرۋعا 500 ملن تەڭگە ءتۇستى.