الەۋمەتتىك جەلىلەردە شىمكەنت قالاسىنىڭ ەكس-اكىمىنىڭ اعاسى مارات ايتەنوۆتىڭ بۇرىنعى ايەلى مەن بالالارىن ۇيىنەن اياۋسىز قۋىپ جاتقانى تۋرالى بەينەجازبا تاراعان بولاتىن. كوپ ۇزاماي بۇل ءىس سوتتا قارالدى، دەپ حابارلايدى اlmaty-akshamy.kz.
استانا قالاسىنىڭ اكىمشىلىك قۇقىق بۇزۋشىلىق ىستەر جونىندەگى مامانداندىرىلعان اۋدانارالىق سوتىندا اقبتك-نىڭ 73-بابىنىڭ 1-بولىگىمەن قۇقىق بۇزۋشىعا قاتىستى ءىس قارالدى.
ءىستىڭ ءمان-جايىنا سايكەس، ايتەنوۆ وتباسىلىق جانجال كەزىندە ءوزىنىڭ بۇرىنعى ايەلىنە ار-نامىسى مەن نامىسىن قورلايتىن سوزدەر ايتقان. باسقا ادامداردىڭ دا تىنىشتىعىن بۇزعان. ءبىراق ول سوت وتىرىسىندا ءوز كىناسىن مويىندامادى.
«ول بۇرىنعى ايەلى بالالاردان باس تارتقانىن ايتقاننان كەيىن بالالاردى الىپ كەتۋگە كەلگەن. اناسى بالالارىن جىبەرمەگەندىكتەن، كۇشپەن تارتىپ الۋعا تىرىسقان. ءبىراق ادەپسىز سوزدەر ايتپاعانىن جانە ۇرماعانىن العا تارتىپ وتىر»، - دەلىنگەن سوت حابارلاماسىندا.
ال جابىرلەنۋشىنىڭ ايتۋىنشا، بۇرىنعى كۇيەۋى ونى ۇيدەن شىعارۋ كەزىندە زاڭسىز ارەكەت جاساپ، دەنەسىنە زاقىم كەلتىرگەن.
«اقبتك-نىڭ 73-بابىنىڭ 1-بولىگىنىڭ سانكسياسى جوعارىدا اتالعان ءمان-جايلاردى، سونداي-اق قوعامعا تەرىس اسەر ەتەتىن ىس-ارەكەتتىڭ كولەمى مەن سيپاتىن ەسكەرە وتىرىپ، ەسكەرتۋ نەمەسە 5 تاۋلىككە اكىمشىلىك قاماۋعا الۋدى قاراستىرادى. قۇقىق بۇزۋشى اقبتك-نىڭ 73-بابىنىڭ 1-بولىگىمەن كىنالى دەپ تانىلدى. ول 5 تاۋلىككە قاماۋعا الىندى»، - دەلىنگەن استانا قالاسىنىڭ اكىمشىلىك قۇقىق بۇزۋشىلىق ىستەر جونىندەگى مامانداندىرىلعان اۋدانارالىق سوتىنىڭ باسپا ءسوز قىزمەتى تاراتقان اقپاراتتا.
قاۋلى زاڭدى كۇشىنە ەنگەن جوق.
ەستەرىڭىزگە سالساق، ەلوردا تۇرعىنى دانا اتەشوۆا بۇرىنعى كۇيەۋى مارات ايتەنوۆتىڭ پوليسەيلەرمەن جانە جەكە سوت ورىنداۋشىلارمەن بىرگە ۇيىنە كەلىپ، بالالاردى بىر-بىرلەپ ۇيدەن ماجبۇرلەپ شىعارعانىن، ءوزىن سوققىعا جىققانىن الەۋمەتتىك جەلىدە جاريالاعان بولاتىن.