جەلىدە الماتى وبلىسىنىڭ تاۋلارىندا بەلگىسىز بەيكەرلەرمەن قاقتىعىسى تۇسىرىلگەن بەينە تارادى، دەپ حابارلايدى اlmaty-akshamy.kz.
بەينە كادرلارىنا قاراعاندا، الدىمەن اتقا مىنگەن اگرەسسيۆتى ەر ادام بايكەرلەردى قامشىمەن ۇرادى. ولاردىڭ ءبىرى شوپتە دەمالىپ وتىرعان. موتوسيكل جۇرگىزۋشىلەرى وعان قارسى مىنەز كورسەنتپەيدى. اراداعى جان-جالدى سوزبەن توقتاتقىسى كەلىپ: «ءبىز ءجۇرىپ جاتقان جوقپىز. توقتا!»، دەيدى.
كەيىنىرەك بۇل جەرگە تاعى بىرنەشە ەر ادام كەلەدى. بىرەۋىنىڭ قولىندا قارۋ بار. ولار بىردەن موتوسيكلدەگى جىگىتتەرگە اگرەسسيا كورسەتەدى. جۇگىرگەن قالپى ەكەۋى موتوسيكل جۇرگىزۋشىلەرىنىڭ بىرىنە سەكىرىپ قۇلاتادى. ءسويتىپ سوققىعا الادى. «توقتا... كوپ بولىپ ۇرۋدى توقتات...» دەپ سوزبەن جاعدايدى شەشپەك بولعان بايكەرلەردىڭ ءبىرى اق جەيدە كيگەن ەر ادامنان سوققى الدى.
الماتى وبلىسىنىڭ پوليسيا دەپارتامەنتى اتالعان فاكتى بويىنشا قىلمىستىق ءىس قوزعالعانىن حابارلادى.
«14 شىلدەدە الماتى وبلىسى قاراساي اۋدانىنىڭ پوليسياسىنا اكتاس تاۋلارىندا ءبىر توپ ادامعا بەلگىسىز ادامدار شابۋىل جاساعانى تۋرالى ارىز كەلىپ ءتۇستى. جابىرلەنۋشى شابۋىلداۋشىلار ونى جانە ونىڭ دوستارىن جايىلىپ جۇرگەن مالداردى ۇركىتتى دەپ ايىپتاعانىن، سودان كەيىن قامشىمەن ۇرىپ، قارۋمەن قورقىتقانىن حابارلادى. قازىرگى ۋاقىتتا وسى فاكتى بويىنشا قىلمىستىق ءىس قوزعالدى. شابۋىلداۋشىلاردى ۇستاۋ بويىنشا جەدەل-ىزدەستىرۋ شارالارى جۇرگىزىلۋدە»، - دەپ حابارلادى ۆەدومستۆودان.