«قازسەلدەنقورعاۋ» مم ەسكەرتۋى بويىنشا قار كوشكىنى ءجۇرۋ قاۋپىنە بايلانىستى شىمبۇلاققا باراتىن اۆتوجول ۋاقىتشا جابىق بولادى، دەپ حابارلايدى اlmaty-akshamy.kz
مامانداردىڭ حابارلاۋىنشا، قار دەڭگەيى ادەتتەگىدەن 30 سم-گە جوعارى. بۇگىن ساعات 9:49-دا ۇلكەن الماتى وزەنى باسسەينىندە 7 مارتە قار كوشكىنى تىركەلگەن.
«مەدەۋ مۇز ايدىنى - شىمبۇلاق تاۋ-شاڭعى كەشەنى» اۆتوجولى بويىندا 11 ءقاۋىپتى قار كوشكىنى جيىنى ورنالاسقان. ول جەردەگى بارلىق قار وسى جولعا تۇسەتىندىكتەن، جول بويىنداعى كولىكتەر مەن جاياۋ جۇرگىنشىلەر ومىرىنە اسقان ءقاۋىپ توندىرەدى. ادام شىعىنىن بولدىرماۋ ماقساتىندا شىمبۇلاققا كوتەرىلەتىن اۆتوجول كولىك ءۇشىن دە، جاياۋ جۇرگىنشىلەر ءۇشىن دە جابىق بولادى.
جىل سايىن كوكتەم كەزىندە قار كوشكىنى ءقاۋپى جوعارىلايدى، سەبەبى قىس كەزىندە قار جينالىپ، كوكتەم كەزىندە تاۋ باسىندا تۇراقتاي المايدى.
كوبىنە قار كوشكىنى كۇندىزگى ۋاقىتتا، جىلىمىق كۇندەرى تاۋلىك بويى جۇرەدى. جاعداي ۋشىقققاندا، قار كوشكىنى ەداۋىر كولەمدە ءجۇرۋى مۇمكىن.
«قازسەلدەنقورعاۋ» مم-مەن كەلىسە وتىرىپ، جولدىڭ اشىلۋى تۋرالى ب ا ق ارقىلى قوسىمشا جاريالاناتىن بولادى.