ەلىمىزدىڭ وڭىرلەرىندەگى ۋنيۆەرسيتتەرگە «ۇلتتىق» مارتەبەسىن بەرۋ ۇسىنىلدى

ەلورداداعى ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىندە رەسپۋبليكالىق رەكتورلار كەڭەسىنىڭ وتىرىسى ءوتتى.

وندا ەۇۋ رەكتورى ۋنيۆەرسيتەتتەردىڭ مارتەبەسىنە قاتىستى ماسەلە كوتەردى، دەپ حابارلايدى Almaty-akshamy.kz قازاقپاراتقا سىلتەمە جاساپ. 

«وتاندىق جوو-نىڭ قۇرىلىمىن وزگەرتۋ - وزەكتى ماسەلەنىڭ ءبىرى. ساناۋلى جوعارى وقۋ ورنىندارىنا، سونىمەن قاتار مادەنيەت، عىلىم جانە ونەر ۇيىمدارىنا «ۇلتتىق» مارتەبەسىن ەنگىزۋ پرينسيپتەرى دە ماڭىزدى. بىزدە تەك نۇر-سۇلتان مەن الماتى قالاسىندا عانا بىرنەشە ۋنيۆەرسيتەتكە ۇلتتىق مارتەبەسى بەرىلگەن. سوندا باسقا وڭىرلەردەگى جوو ۇلتقا قىزمەت ەتىپ جاتقان پا؟ وسى ورايدا ءبىرقاتار وڭىرلىك جوعارى وقۋ ورىندارىنا «ۇلتتىق» مارتەبەسىن بەرۋدى ۇسىنامىن»، - دەدى ل. گۋميليەۆ اتىنداعى ەۇۋ-نىڭ رەكتورى ەرلان سىدىقوۆ رەپۋبليكالىق رەكتورلار كەڭەسىنىڭ وتىرىسىندا.

ونىڭ ايتۋىنشا، ۇلتتىق مارتەبەگە يە وڭىرلىك ۋنيۆەرسيتەتتەردىڭ سانى جەتكىلىكتى.

«اتالعان مارتەبە وڭىرلەردە جوعارى ءبىلىم بەرۋدىڭ جاڭا لوكوماتيۆتەرىن قالىپتاستىرۋعا قارقىن بەرەدى. بۇل بۇكىل جوعارى ءبىلىم بەرۋدىڭ مۇددەسىنە ساي دەپ ويلايمىن. مەملەكەت باسشىسىنىڭ "جاڭا قازاقستان" تۇجىرىمداماسىنداعى باستى پرينسيپتەردىڭ ءبىرى. ياعني مىقتى ورتالىق، مىقتى ءوڭىر»، - دەيدى ول.

بۇعان دەيىن ۋنيۆەرسيتەت باسشىسى قازاقستاندا 5 قىركۇيەكتى ستۋدەنتتەر كۇنى ەتىپ بەكىتۋ يدەياسىن ۇسىنعان ەدى.