شىمبۇلاققا باراتىن جول جابىلدى

الماتى قالاسىنىڭ توتەنشە جاعدايلار دەپارتامەنتى تاۋدا اباي بولۋعا شاقىردى، دەپ حابارلايدى اlmaty-akshamy.kz.

الماتى قالاسى توتەنشە جاعدايلار دەپارتامەنتى تاراتقان مالىمەتكە سايكەس، قار كوشكىنى قاۋپىنە بايلانىستى قاۋىپسىزدىكتى قامتاماسىز ەتۋ ماقساتىندا قازىرگى ۋاقىتتا ۇلكەن الماتى كولى مەن شىمبۇلاققا باراتىن جولدار جابىلىپ، بەكەتتەر قويىلدى.

«مەدەۋ» وتكىزۋ پۋنكتىندە، الما-اراسان شاتقالىندا جانە «شىمبۇلاق» تشك ۇگىت-پروفيلاكتيكالىق ءىس-شارالار ۇيىمداستىرىلدى، وندا كەلۋشىلەرگە بيلەتتەردى ساتۋ كەزىندە «قار كوشكىنى كەزىندەگى ءىس-قيمىلدار» تاقىرىبىندا جادىنامالارى تاپسىرىلۋدا»،- دەپ حابارلادى دەپارتامەنتتەن.

4 قاڭتار كۇنى قار جامىلعىسىنىڭ تۇراقسىز بولۋىنا بايلانىستى ۇلكەن جانە كىشى الماتى سۋ الابىندا قار كوشكىنى ءجۇرۋى مۇمكىن.
قۇتقارۋشىلار تۇرعىنداردى قار كوشكىنىن تۋدىرماۋ ءۇشىن، تاۋ بەتكەيلەرىنە شىقپاۋعا، سونداي-اق جەكە قاۋىپسىزدىك شارالارىن ساقتاۋعا، تاۋدا جاياۋ سەرۋەندەۋدەن باس تارتۋعا شاقىرادى.

جالپى، الماتى ءوڭىرى بويىنشا 165 كوشكىن ءقاۋپى بار ۋچاسكەلەر بار، ولاردىڭ ىشىندە قالا تۇرعىندارى مەن تۋريستەرى ءۇشىن ەڭ ۇلكەن ءقاۋىپ «مەدەۋ»، «شىمبۇلاق» تشك جانە ۇلكەن الماتى كولى اۋدانىندا ورنالاسقان 18 كوشكىن ءقاۋپى بار ۋچاسكە بار.