مەيرام كۇندەرى الماتىداعى قىلمىستىق احۋال تۇراقتى بولدى

شاھارداعى جاعداي تۇراقتى جانە باقىلاۋدا.

الماتى قالالىق پوليسيا دەپارتامەنتى وتكەن مەرەكە كۇندەرىندە كريمينوگەندىك جاعدايدىڭ تۇراقتى بولعانىن ايتتى، دەپ حابارلايدى Almaty-akshamy.kz.

 بۇرىن حابارلانعانداي، 2022 جىلدىڭ 25 جەلتوقسانىنان باستاپ قالادا «قۇقىقتىق ءتارتىپ» جەدەل الدىن الۋ ءىس-شاراسى وتكىزىلدى.

 پد قىزمەتتەرى مەن بولىمشەلەرىنىڭ جەكە قۇرامدارى كۇشەيتىلگەن قىزمەتكە اۋىستىرىلدى.

 پاترۋلدىك پوليسيا جاساقتارى كۇشەيتىلدى، جاياۋ پاترۋلدىك باعىتتار ازىرلەندى.

 ازاماتتاردىڭ جاپپاي بولاتىن نىساندارىنا، سونداي-اق مەرەكەلىك جانە ويىن-ساۋىق شارالارىن وتكىزۋگە ارنالعان ورىندارعا ەرەكشە نازار اۋدارىلدى.

 قابىلدانعان شارالاردىڭ ناتيجەسىندە اۋىر جانە اسا اۋىر قىلمىستاردىڭ الدىن الۋعا مۇمكىندىك تۋدى.

 نەگىزىنەن بوتەننىڭ مۇلكىن ۇرلاۋ باسىم بولدى.

 31 جەلتوقسان مەن 3 قاڭتار ارالىعىندا قالادا 30 بوتەننىڭ مۇلكىن ۇرلاۋ دەرەگى تىركەلىپ، ونىڭ 24ء-ى «ءىزىن سۋىتپاي» جانە جەدەل تەرگەۋ بارىسىندا اشىلدى.

 سونىمەن قاتار، بۇل كۇندەرى قالادا 2 بۇزاقىلىق، 1 توناۋ ورىن الدى.  كۇدىكتىلەر قىلمىس ورنىندا ۇستالدى.

 سونداي-اق، 2 ەسىرتكى قىلمىسى انىقتالدى.

 جالپى، قالاداعى جاعداي تۇراقتى جانە باقىلاۋدا.