سالىق كودەكسىنىڭ نورماسى كۇشىنە ەندى.
2023 جىلعى 1 قاڭتاردان باستاپ شاعىن بيزنەس سۋبەكتىلەرى ءۇشىن ارناۋلى سالىق رەجيمىن قولدانۋ كەزىندە رۇقسات ەتىلمەگەن قىزمەت تۇرلەرىن تولىقتىرۋ بولىگىندە سالىق كودەكسىنىڭ نورماسى كۇشىنە ەندى، دەپ حابارلايدى Almaty-akshamy.kz Inbusiness.kz سىلتەمە جاساپ.
"بۇل تىزبەنى تولىقتىرۋ، ەڭ الدىمەن، بيزنەستى بولشەكتەۋ جولىمەن سالىقتىق وڭتايلاندىرۋ سحەمالارىنىڭ الدىن الۋ (ونىڭ ىشىندە قوسالقى جالداۋ تەتىگىن پايدالانا وتىرىپ)، ونىڭ ىشىندە وڭايلاتىلعان دەكلاراسيا نەگىزىندە ارناۋلى سالىق رەجيمدەرىن قولدانۋ ماقساتتارىمەن بايلانىستى" دەلىنگەن اقپاراتتا.
قارجى مينيسترلىگىنىڭ باسپا ءسوز قىزمەتى تاراتقان اقپاراتى بويىنشا، تومەندەگى قىزمەت تۇرلەرى بويىنشا شاعىن بيزنەس سۋبەكتىلەرى ءۇشىن ارناۋلى سالىق رەجيمىن قولدانۋدا شەكتەۋ ەنگىزىلەدى. ولار:
- ماركەتينگتىك قىزمەتتەردى؛
- ساۋدا نارىعىن جالعا بەرۋ جانە پايدالانۋ جونىندەگى،
- ساۋدا بازارلارىنا جاتاتىن ساۋدا وبەكتىلەرىن، ساۋدا الاڭى بەس ءجۇز شارشى مەتردەن اساتىن ستاسيونارلىق ساۋدا وبەكتىلەرىن، سونداي-اق ولاردىڭ اۋماعىنداعى ساۋدا ورىندارىن، ساۋدا وبەكتىلەرىن جانە قوعامدىق تاماقتانۋ وبەكتىلەرىن قوسالقى جالعا بەرۋ؛
- ەكى جانە ودان دا كوپ سالىق تولەۋشىلەردىڭ وسىنداي قىزمەتتەر كورسەتىلەتىن ءبىر قوناق ءۇيدىڭ نەمەسە جەكە تۇرعان تۇرعىن ەمەس عيماراتتىڭ اۋماعىندا قوناق ءۇي قىزمەتتەرىن ۇسىنۋ سالاسىنداعى قىزمەتكە قولدانىلاتىن بولادى.
تيىسىنشە، شەكتەۋلەر ەنگىزىلگەن جوعارىدا اتالعان قىزمەت تۇرلەرىن جۇزەگە اسىراتىن كاسىپكەرلەر 2023 جىلى 1 قانتاردان باستاپ جالپىعا بىردەي بەلگىلەنگەن سالىق سالۋ تارتىبىنە كوشۋى ءتيىس.
ال، ساۋدا الاڭى بەس ءجۇز شارشى مەتردەن كەم ستاسيونارلىق ساۋدا وبەكتىلەرىنە جاتاتىن، ساۋدا وبەكتىلەرىن قوسالقى جالعا بەرەتىن سالىق تولەۋشىلەر، ونى قولدانۋدىڭ قالعان شارتتارىنا سايكەس كەلگەن كەزدە شاعىن بيزنەس سۋبەكتىلەرىنە ارنالعان ارناۋلى سالىق رەجيمىن قولدانا الادى.