«شىمبۇلاق» رەسمي تۇردە گيننەستىڭ رەكوردتار كىتابىنا الەمدەگى ەڭ بيىك تۇنگى شاڭعى تراسساسى بار كۋرورت رەتىندە ەندى، - دەپ حابارلايدى Almaty-akshamy
سەرتيفيكات تاپسىرۋ جانە رەكورد ناتيجەسىن رەسمي تىركەۋ ءراسىمى تەڭىز دەڭگەيىنەن 3200 مەتر بيىكتىكتە «تالعار اسۋى» ستانسياسىندا ءوتتى.
Guinness World Records ءوفيسىنىڭ سۋدياسى شەيد سۋباشي-گەميدجي تاۋ شاڭعىسى كۋرورتىنىڭ باسشىلىعىنا الەمدىك رەكوردتى راستايتىن سەرتيفيكات تابىس ەتتى.
«شىمبۇلاق» تاۋ كۋرورتى الەمدەگى ەڭ بيىك تۇنگى شاڭعى تراسساسى رەتىندە رەسمي تۇردە گيننەس رەكوردىن العانىن قۋانا حابارلايمىن. بۇل – الەمدەگى جاڭا رەكورد»، - دەدى شەيدا سۋباشي-گەميدجي.
سۋديا ەڭ ۇزىن تۇنگى جولدىڭ ەڭ تومەنگى رەكوردى تەڭىز دەڭگەيىنەن 3100 مەتر بيىكتىكتە ەكەنىن ايتتى. ءىس-شارا سوڭىندا لەنتا سالتاناتتى تۇردە قيىلىپ، تۇنگى ەڭ بيىك شاڭعى تراسساسىنان جاپپاي سىرعاناپ ءتۇسۋ ءراسىمى ءوتتى.
