ءورتتىڭ شىعۋ سەبەبى – وتتى ابايسىز قولدانۋ
شىعىس قازاقستان وبلىسىندا ءبىر كۇن ىشىندە ورتتەن 3 ادام قازا بولدى، دەپ حابارلايدى Almaty-akshamy.kz قازاقپارات اگەنتتىگىنە سىلتەمە جاساپ.
شقو توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ءبىرىنشى وقيعا ريددەر قالاسى بۋتاكوۆو اۋىلىندا بولعان. ورتەنگەن ۇيگە كەلىپ جەتكەن قۇتقارۋشىلار 85 جاستاعى ءۇي يەسىنىڭ دەنەسىن تاپتى. ءتىلسىز جاۋدىڭ شىعۋىنا - پەشتى پايدالانۋ كەزىندە ءورت قاۋىپسىزدىگى ەرەجەسىن ساقتاماۋ سەبەپ بولۋى ىقتيمال.
«ال شەمونايحا قالاسىنىڭ 84 جاستاعى تۇرعىنى ۇيىندە ەلەكتر جىلىتقىشتى قوسىپ، ونى اعاش ۇستەلگە قويعان. وسىنىڭ سالدارىنان ءورت شىعىپ، ءۇي يەسى كوز جۇمدى»، - دەلىنگەن اقپاراتتا.
سونداي-اق ۇلان اۋدانىندا 33 جاستاعى ەر ادام وتقا ورانعان جەر ۇيدەن شىعا الماي، قازا بولدى. ءورتتىڭ شىعۋ سەبەبى – وتتى ابايسىز قولدانۋ دەلىنىپ وتىر.