شقو پروكۋراتۋرا ورگاندارى توتەنشە جاعدايلاردىڭ سالدارىن وقشاۋلاۋ جانە جويۋ ءۇشىن مەملەكەتتىك ساتىپ الۋ شارتتارىن جاساسۋدىڭ زاڭدىلىعىن تالدادى، دەپ حابارلايدى aqshamnews.kz.
تالداۋ ناتيجەسىندە 1،4 ملرد تەڭگە سوماسىنا زاڭسىز جاسالعان 78 كەلىسىم-شارت انىقتالدى.
وسى شارتتاردى جاساۋ كەزەڭىندە توتەنشە جاعداي جاريالانباعانى، تيىسىنشە، ءبىر كوزدەن شارتتار جاساسۋعا نەگىز بولماعانى انىقتالدى.
اتاپ ايتقاندا، جاو قاردى شىعارۋ، اكىمشىلىك عيماراتتاردى اعىمداعى جوندەۋ، مۇزدان تازارتاتىن رەاگەنتتەر جانە ت.ب. تاۋارلاردى، جۇمىستاردى جانە قىزمەتتەردى ساتىپ الدى.
قولدانىستاعى زاڭنامادا كوزدەلمەگەن جاعدايلاردا تىكەلەي شارت جاساسۋ ارقىلى ءبىر كوزدەن الۋ تاسىلىمەن مەملەكەتتىك ساتىپ الۋدى جۇزەگە اسىرعانى ءۇشىن لاۋازىمدى ادامدار اكىمشىلىك جاۋاپكەرشىلىككە تارتىلادى.
بۇگىنگى كۇنگە دەيىن شەنەۋنىكتەر 14 ملن تەڭگە كولەمىندە ايىپپۇل تولەدى.
شىعىس قازاقستان وبلىسىندا شەنەۋنىكتەر ءبىر كوزدەن زاڭسىز كەلىسىم-شارتتار جاساعان
- اۆتور aqshamnews.kz
- 20:18، 09 قىركۇيەك 2024
سۋرەت: Gov.kz