پارلامەنتتە قوعامدىق ورىنداردا ءدىني كيىم كيۋگە تىيىم سالۋ ماسەلەسى قارالۋى مۇمكىن. بۇل تۋرالى ءماجىلىس دەپۋتاتى ەرمۇرات باپي مالىمدەدى.
دەپۋتاتتىڭ ايتۋىنشا، ەلىمىزدىڭ ۇلتتىق مۇددەلەرىن، ءسالت-داستۇرىن جانە مادەنيەتىن ساقتاۋ ماڭىزدى. «قازىرگى كەزدە قوعامدا قارا كيىم كيگەن ازاماتتار سانىنىڭ كوبەيۋى ءبىزدىڭ ۇلتتىق قۇندىلىقتارىمىزعا ايتارلىقتاي اسەر ەتۋدە»، - دەپ اتاپ ءوتتى ول.
سونداي-اق، ەرمۇرات باپي ءتيىستى زاڭ جوباسىنىڭ كۇزگى سەسسيادا پارلامەنتكە ۇسىنىلاتىنىن حابارلادى.
«ءبىز ءبىر توپ دەپۋتاتتار وسى زاڭ جوباسىن ازىرلەدىك، ول قابىلدانعان جاعدايدا قوعامداعى حيدجاب، نيكاب جانە باسقا دا ءدىني كيىمدەر ماسەلەسى شەشىلەدى دەپ ۇمىتتەنەمىز»، - دەدى ماجىلىسمەن.
دەپۋتاتتىڭ پىكىرىنشە، بۇل زاڭ جوباسى ءدىني كيىمدەرگە قاتىستى ماسەلەلەردى رەتتەۋگە كومەكتەسەدى.