شۆەسيادا وسى اپتادا 2010 جىلدان بەرگى ەڭ ءىرى اڭشىلىق - قاسقىر اۋلاۋ باستالدى
ەلدىڭ باتىسىنداعى ۆەرملاند ايماعىنىڭ وكرۋگ اكىمشىلىگىنىڭ ينسپەكتورى فرەدريك ۆيدە ايتقانداي، اڭشىلىق قاتاڭ باقىلاناتىن بولادى، دەپ حابارلايدى Almaty-akshamy.kz Inbusiness.kz-كە سىلتەمە جاساپ.
"ءبىز اڭشىلىقتىڭ دۇرىس جۇرگىزىلىپ جاتقانىنا كوز جەتكىزۋ ءۇشىن وسىندامىز. بارلىق ىستەلگەن ارەكەتتى قۇجاتتايمىز"، - دەدى اۋداندىق اكىمشىلىك كەڭەسىنىڭ ينسپەكتورى فرەدريك ۆيلدە.
Euronews سايتىنىڭ جازۋىنشا، اڭ اۋلاۋ ارقىلى شۆەسيا قاسقىرلاردىڭ تارالۋىن باسەڭدەتكىسى كەلەدى. ءبىرىنشى كۇنى ون جىرتقىش ءولتىرىلدى. ۆەرملاندتاعى شۆەد اڭشىلار قاۋىمداستىعىنىڭ ءتوراعاسى اندەرس ولسسون الداعى كۇندەرى قار قالىڭ جاۋاتىنىن ەسكەرتتى.
"دەمالىس كۇندەرى سۋىق بولادى. سوندىقتان بەيسەنبىدەن جەكسەنبى ارالىعىندا اڭشىلىققا شىعۋعا كەڭەس بەرەمىز"، - دەدى ۆەرملاندتاعى شۆەد اڭشىلار قاۋىمداستىعىنىڭ ءتوراعاسى اندەرس ولسسون.