باس پروكۋراتۋرامەن ءوزارا ىس-ارەكەت ماسەلەسى تالقىلاندى
كەزدەسۋ بارىسىندا كونستيتۋسيالىق رەفورماعا سايكەس، كونستيتۋسيالىق سوت پەن جوعارعى سوتقا جۇگىنۋ ارقىلى ازاماتتاردىڭ قۇقىقتارىن قامتاماسىز ەتۋگە باعىتتالعان ادام قۇقىقتارى جونىندەگى ۋاكىلدىڭ جاڭا وكىلەتتىكتەرى، سونداي-اق باس پروكۋراتۋرامەن ءوزارا ىس-ارەكەت ماسەلەسى تالقىلاندى، دەپ حابارلايدى Almaty-akshamy.kz
پرەزيدەنت قىلمىستىق ءىس بويىنشا سوت تورەلىگى مەن جازانى وتەۋ بارىسىندا ازاماتتارعا بەرىلەتىن كونستيتۋسيالىق كەپىلدىكتى كۇشەيتۋ ءۇشىن سوت جۇيەسى مەن قۇقىق قورعاۋ ورگاندارىنىڭ ناقتى شارالار قابىلداۋى ماڭىزدى ەكەنىنە نازار اۋداردى.
كەزدەسۋ سوڭىندا قاسىم-جومارت توقايەۆ ومبۋدسمەن ينستيتۋتىن ودان ءارى دامىتۋعا جانە ونىڭ الەۋەتىن نىعايتۋعا باعىتتالعان باسىم مىندەتتەردى اتاپ ءوتىپ، ادام جانە ازامات قۇقىقتارىنىڭ بۇزىلماۋىنا بەرىلەتىن كونستيتۋسيالىق كەپىلدىكتى ودان ءارى كۇشەيتۋ جونىندە ءبىرقاتار تاپسىرما بەردى.