ماگدالەنا اندەرسسون شۆەسيا تاريحىنداعى ءبىرىنشى ايەل پرەمەر-مينيستر اتاندى. شۆەسيا بۇل وقيعاعا دەيىن سكانديناۆيا ەلدەرىنىڭ ىشىندە ۇلت كوشباسشىسى رەتىندە ايەلدى سايلاپ كورمەگەن جالعىز ەل بولاتىن، دەپ حابارلايدى almaty-akshamy.kz قازاقپاراتقا سىلتەمە جاساپ.
54 جاستاعى ماگدالەنا اندەرسسوندى بۇل قىزمەتكە شۆەسيا پارلامەنتى بەكىتتى. ول ستەفان ليەۆەننىڭ ورنىنا كەلدى. شۆەد زاڭىنا ساي، پرەمەر-مينيستر بولۋ ءۇشىن پارلامەنت مۇشەلەرىنىڭ باسىم بولىگى قارسى داۋىس بەرمەۋى كەرەك.
شۆەسيانىڭ سوسيال-دەموكراتيالىق جۇمىسشى پارتياسىنىڭ كوشباسشىسى ماگدالەنا ماندەرسسوندى تاڭداۋعا 174 دەپۋتات داۋىس بەردى. بۇل دەپۋتاتتاردىڭ جارتىسىنان از. 117 دەپۋتات ماندەرسسوننىڭ كانديداتۋراسىن قولداپ، تاعى 57ء-سى داۋىس بەرۋدەن باس تارتتى. وسىلايشا، ەلدىڭ جاڭا پرەمەر-مينيسترى از ايىرماشىلىقپەن جەڭىسكە جەتتى.
سايلاۋ قورىتىندىسى بەلگىلى بولعاننان كەيىن سوسيال-دەموكراتيالىق جۇمىسشى پارتياسىنىڭ كوشباسشىسىنا ريكسداگ قابىرعاسىندا قۇرمەت كورسەتىلدى. اندەرسسون ماماندىعى بويىنشا – ەكونوميست.
ول ستوكگولم ەكونوميكا مەكتەبىن ءتامامداپ، 1992 جىلى ىسكەرلىك اكىمشىلىك جانە ەكونوميكا سالاسىنداعى عىلىم باكالاۆرى دارەجەسىن العان. 1995 جىلى ول وقۋىن گارداردتا جالعاستىردى. ول ساياسي مانسابىن 1996 جىلى پرەمەر-مينيستر يوران پەرسسوننىڭ ساياسي كەڭەسشىسى رەتىندە باستاعان.
2014 جىلى اندەرسسون شۆەسيانىڭ قارجى ءمينيسترى اتاندى. وعان دەيىن بۇل لاۋازىمدا دا ايەلدەر بولماعان.