بيىل تۇماۋعا قارسى رەسەيلىك ۆاكسينانىڭ 130 000 دوزاسى ساتىپ الىندى
قالا اكىمى باقىتجان ساعىنتايەۆ «الماتى» تەلەارناسىنىڭ Akimat LIVE باعدارلاماسىنىڭ تىكەلەي ەفيرىندە مەگاپوليس تۇرعىندارىن كۆي جاڭا نۇسقالارىنىڭ تارالۋ سيركۋلياسياياسىنىڭ اياسىندا تۇماۋدىڭ تارالۋ قاۋپىنە اسا بايىپتى قاراۋعا شاقىردى، دەپ حابارلايدى Almaty-akshamy.kz
الماتىدا جرۆي-مەن اۋىرۋدىڭ ماۋسىمدىق ءوسۋى بايقالادى. وتكەن اپتادا ءجرۆي-دىڭ 12 479 جاعدايى تىركەلىپ، 100 مىڭ حالىققا شاققانداعى كورسەتكىش 613،34ء-تى قۇرادى، بۇل وتكەن جىلدىڭ سايكەس كەزەڭىندەگى كورسەتكىشتەن 3،7 ەسەگە جوعارى. جاڭا ەپيدەميالىق ماۋسىم باستالعالى 1 قازان مەن 17 قاراشا ارالىعىندا ءجرۆي-دىڭ 73 731 جاعدايى تىركەلدى. سونىمەن قاتار، AH3N2 تۇماۋىنىڭ 13 جاعدايى تىركەلدى.
دارىگەرلەر اۋرۋدىڭ 60،6 پايىزى بالالار اراسىندا تارالعان دەپ ەسەپتەيدى، كامەلەتكە تولماعاندار اراسىندا بارلىعى 7557 جاعداي تىركەلگەن. مەگاپوليستىڭ مەديسينالىق مەكەمەلەرىنە جرۆي-مەن اۋىراتىن 680 ناۋقاس جاتقىزىلدى، ونىڭ ىشىندە 20 جۇكتى ايەل، ءبىر جاسقا دەيىنگى 211بالا بار. 216 ادام پنيەۆمونيامەن اۋرۋحاناعا جاتقىزىلدى، ونىڭ ىشىندە 14 جاسقا دەيىنگى 51 بالا جانە ءبىر جاسقا دەيىنگى 26 بالا.
باقىتجان ساعىنتايەۆ جرۆي، تۇماۋ جانە پنيەۆمونيانىڭ تارالۋىنا بايلانىستى جاعدايدىڭ قيىنداي تۇسكەنىن ەسكەرۋ قاجەت دەپ ەسەپتەيدى. اكىم بارلىق الماتىلىقتاردى بۇرىن ەنگىزىلگەن بارلىق پروفيلاكتيكالىق شارالاردى، سونىڭ ىشىندە بەتپەردە رەجيمىن قاتاڭ ساقتاۋعا شاقىردى. بۇل رەتتە ءاربىر تۇرعىن ادام كوپ جينالاتىن ورىندارعا بارۋدى ازايتۋى كەرەك. ال، كوروناۆيرۋستىق ينفەكسيا مەن تۇماۋعا قارسى ەكپە الماعاندار وزدەرىن جانە جاقىندارىن قورعاۋعا اسىققاندار ءجون. ونىڭ ۇستىنە، مەگاپوليستە بۇل ءۇشىن بارلىق جاعداي جاسالعان.
15 قىركۇيەكتەن باستاپ الماتىدا جەرگىلىكتى بيۋدجەت ەسەبىنەن قاتەرلى توپتاعى (مەديسينالىق قىزمەتكەرلەر؛ مەديسينالىق ۇيىمدارداعى مەديسينالىق باقىلاۋداعى بالالار؛ التى ايدان اسقان ءجيى اۋىراتىن بالالار؛ جەتىم بالالارعا ارنالعان ءبىلىم بەرۋ ۇيىمدارىنىڭ بالالارى. ؛ اتا-اناسىنىڭ قامقورلىعىنسىز قالعان بالالار؛ بالالار ءۇيىنىڭ تاربيەلەنۋشىلەرى؛ مەديسينالىق-الەۋمەتتىك مەكەمەلەردىڭ (ۇيىمداردىڭ) قىزمەتتەرىن الۋشىلار؛ جۇكتىلىكتىڭ 2 نەمەسە 3 تريمەسترىندەگى جۇكتى ايەلدەر؛ جۇرەك-قانتامىر جۇيەسى مەن تىنىس الۋ جۇيەسىنىڭ سوزىلمالى اۋرۋلارى بار جانە ەپيدەميولوگيالىق كورسەتكىشتەر بويىنشا) ادامداردى تۇماۋعا قارسى ەگۋ جۇمىستارى باستالدى.
ۆاكسيناسيا حالىقتى تۇماۋ ۆيرۋسىن جۇقتىرۋدان قورعاپ قانا قويمايدى، سونىمەن قاتار اۋرۋدىڭ اسقىنۋىنان جانە ءولىم-جىتىمدى ايتارلىقتاي تومەندەتۋگە كومەكتەسەدى. بيىل رەسەيلىك تۇماۋعا قارسى ءۇش ۆالەنتتى «گريپپول پليۋس» ۆاكسيناسىنىڭ 130 000 دوزاسى ساتىپ الىندى.