وسى جىلدىڭ سوڭىنا دەيىن ازاماتتاردىڭ سيفرلىق «الەۋمەتتىك ءاميانى» ىلكى جوبا رەتىندە ەنگىزىلەدى. بۇل تۋرالى ق ر ساۋدا جانە ينتەگراسيا ءمينيسترى باقىت سۇلتانوۆ ايتتى، دەپ حابارلايدى almaty-akshamy.kz قازاقپاراتقا سىلتەمە جاساپ.
«ساۋدا سالاسىن سيفرلاندىرۋ جۇمىسى جۇرگىزىلىپ جاتىر. شاعىن جانە ورتا بيزنەسكە ەلەكتروندى ساۋدانى دامىتۋعا تەگىن قولداۋ جانە كومەك كورسەتۋ ءۇشىن SmartDuken.kz تۇعىرناماسى ىسكە قوسىلادى»، - دەدى مينيستر سەناتتا وتكەن ۇكىمەت ساعاتىندا.
ونىڭ اتاپ وتۋىنشە، ساۋدا جونىندەگى ساراپتامالىق پلاتفورما جانە ۇلتتىق تاۋارلار ءتىزىمىن قۇرۋ باعىتىندا جۇمىس قارقىندى جۇرگىزىلىپ جاتىر. بۇل جوبالار جىلدىڭ سوڭىنا دەيىن ىسكە قوسىلماق.
«ازاماتتاردىڭ سيرفلىق «الەۋمەتتىك ءاميانى» ەنگىزىلەدى. ول ازاماتتارعا الەۋمەتتىك كومەك كورسەتۋ تەتىگىن جەتىلدىرۋگە جانە بانكتىك كوميسسيالارعا ارنالعان بيۋدجەت شىعىستارىن وڭتايلاندىرۋعا مۇمكىندىك بەرەدى. 2021 جىلدىڭ سوڭىنا دەيىن ىلكى جوبا نۇر-سۇلتان مەن پاۆلودار قالالارىندا ىسكە قوسىلاتىن بولادى ، - دەدى باقىت سۇلتانوۆ.