قولىندا بالاسى بار ەركەكتى سوققىعا جىققان بەيبىت شۇمەنوۆ 5 جىلعا سوتتالۋى مۇمكىن.
پوليسيا ونىڭ ۇستىنەن قىلمىستىق ءىس قوزعاپ، تەرگەۋ جۇرگىزۋدى باستادى. سونىمەن قاتار شۇمەنوۆ بالانىڭ ومىرىنە ءقاۋىپ توندىرگەنى ءۇشىن بولەك قىلمىستىق جاۋاپكەرشىلىككە تارتىلۋى ىقتيمال. ماسەلەنى بالا قۇقىقتارى جونىندەگى ۋاكىل دينارا زاكييەۆا كوتەرىپ جاتىر، دەپ حابارلايدى Almaty-akshamy.kz.
Qazaqstan.tv ارناسىنىڭ حابارلاۋىنشا، ول بوكسشىنى بالانىڭ ومىرىنە ءقاۋىپ ءتوندىرۋ ارەكەتى بويىنشا جاۋاپقا تارتۋ ءۇشىن ىشكى ىستەر مينيسترىلىگىنە جۇگىنگەن. دينارا زاكييەۆا بۇل جونىندە ءوزىنىڭ الەۋمەتتىك جەلىدەگى پاراقشاسىندا جازدى.
ەسكە سالايىق، استاناداعى مەيرامحانالاردىڭ بىرىندە بوكسشى بەيبىت شۇمەنوۆ ەر اداممەن ەرەگىسىپ، اقىرىندا ونى سوققىعا جىققانى تۋرالى كەشە حابارلاعان بولاتىنبىز.
بۇل جايت بەيناباقىلاۋ كامەراسىنا ءتۇسىپ قالعان. شۇمەنوۆتىڭ قولىندا بالاسى بار ەر ادامدى اياۋسىز ۇرىپ جاتقانى كادردان انىق كورىنىپ تۇر.