الماتىنىڭ ءال-فارابي داڭعىلىنداعى جولدى جوندەۋ كەزەڭ-كەزەڭىمەن ءجۇرىپ جاتىر. 12-13 شىلدە ارالىعىندا سىرعابەكوۆ كوشەسىنەن ەسەنتاي وزەنىنە دەيىن ءىشىنارا جول جابىلىپ، ەكى باعىتتاعى قوزعالىس ەنگىزىلدى. قازىرگى تاڭدا ءال-فارابي داڭعىلىنىڭ وڭتۇستىك جاعىنداعى تورايعىروۆ كوشەسىنەن ەسەنتاي وزەنىندەگى كوپىرگە دەيىنگى جوندەۋ جۇمىستارى اياقتالدى، كولىك قوزعالىسىنا رۇقسات بەرىلدى.
كەلەسى كەزەڭدە ەسەنتاي وزەنىندەگى كوپىردەن باتىس جەلتوقسان كوشەسىنە دەيىن 14-15 شىلدە ارالىعىندا ءال-فارابي داڭعىلىنداعى ۋچاسكەنى جوندەۋ باستالادى. جول قوزعالىسىنىڭ قاۋىپسىزدىگىن قامتاماسىز ەتۋ جانە ورتاشا جوندەۋ جۇرگىزۋ كەزىندە كولىك قوزعالىسىن ارتتىرۋ ءۇشىن مىناداي شارالار قابىلدانادى:
- 14 شىلدەدە ساعات 23.00-دەن 15 شىلدەدە ساعات 08:00-گە دەيىن داڭعىلدىڭ وڭتۇستىك جاعىمەن تولىق جابىلاتىن پوليمەرلى اسفالتبەتون جابىندىسىن توسەۋ جۇمىستارى جۇرگىزىلەدى؛
- 08:00-دەن 21:00-گە دەيىن 15 شىلدەدە ءال-فارابي داڭعىلىنىڭ سولتۇستىك جاعىنان ەسەنتاي وزەنىنەن باتىس جەلتوقسان كوشەسىنە دەيىن كەرى قوزعالىس جولىمەن كولىكتى جۇرگىزۋ ۇيىمداستىرىلادى. ءال-فارابي داڭعىلىنداعى باتىس جانە شىعىس باعىتتارداعى قوزعالىس جولاقتارىنىڭ سانىن قالىپتاسقان كولىك جاعدايىنان پاترۋلدىك پوليسيا قىزمەتكەرلەرى ايقىندايدى؛
- تاۋلىكتىڭ قاراڭعى ۋاقىتىندا جول-كولىك وقيعاسىن بولدىرماۋ ءۇشىن 14 شىلدەدە ساعات 23:00-دەن 16 شىلدەدە 07:00-گە دەيىن ءال-فارابي داڭعىلىمەن شىعىس باعىتتا (ەسەنتاي وزەنىندەگى كوپىردە) كولىك قوزعالىسى تولىعىمەن جابىلادى.
جابىق ۋچاسكەلەردى جاروكوۆ كوشەسى ارقىلى سولتۇستىك باعىتتا اينالىپ وتۋگە بولادى. سىرعابەكوۆ كوشەسى، ۇشكەمپىروۆ كوشەسى، قاپپاروۆ كوشەسى باعىتىندا جانە «Esentai Mall» سوو-دا بۇرىلمالى تۋننەل (باتىسقا قاراي) بويىنشا كولىك قوزعالىسى اشىق بولادى.
كولىك قوزعالىسىنىڭ قاۋىپسىزدىگىن قامتاماسىز ەتۋ ءۇشىن پاترۋلدىك پوليسيانىڭ 6 ەكيپاجى تارتىلادى، 40 كم/ساع جىلدامدىقتى شەكتەۋ بەلگىلەرى ورناتىلادى، جولاقتار بويىنشا ءبولۋ كونۋستىق شاعىلىستىراتىن چيپتەرمەن بەلگىلەنەدى. ريەۆەرستى قوزعالىستى باستاماس بۇرىن ەكى جاعىندا دا كولىك اعىندارىن بولەتىن مەتالل تۋرنيكەتتەر بولادى.
جوندەۋ جۇمىستارىن جۇرگىزۋ ۋچاسكەلەرى تۋرالى وزەكتى اقپارات قالا اكىمدىگى مەن قالالىق موبيلدىلىك باسقارماسىنىڭ رەسمي پاراقشالارىنان، سونىمەن قاتار، 2گيس قوسىمشاسىنان كورۋگە بولادى.
الماتى قالالىق موبيلدىلىك باسقارماسى