نيدەرلاند تاراپىنىڭ باستاماسىمەن مەملەكەت باسشىسى قاسىم-جومارت توقايەۆ نيدەرلاند پرەمەر-مينيسترىنىڭ مىندەتىن اتقارۋشى مارك ريۋتتەمەن تەلەفون ارقىلى سويلەستى.
اڭگىمەلەسۋ بارىسىندا تاراپتار قازاقستان مەن نيدەرلاند اراسىنداعى ينۆەستيسيالىق جانە ساۋدا-ەكونوميكالىق ىنتىماقتاستىقتىڭ قازىرگى جاي-كۇيى مەن پەرسپەكتيۆالارىنا باسا ءمان بەرە وتىرىپ، ەكىجاقتى كۇن ءتارتىبىنىڭ وزەكتى ماسەلەلەرىن قاراستىردى، دەپ حابارلايدى Almaty-akshamy.kz اقورداعا سىلتەمە جاساپ.
نيدەرلاند ەلىمىزدىڭ ەكونوميكاسىنا تىكەلەي ينۆەستيسيا قۇيۋ جونىنەن ءبىرىنشى ورىندا تۇر. 2022 جىلدىڭ قورىتىندىسى بويىنشا ءوزارا ساۋدا-ساتتىق 26 پايىزعا ارتىپ، 6 ميلليارد دوللارعا جاقىندادى.
مارك ريۋتتە ەكى ەلدىڭ اراسىنداعى قارىم-قاتىناستارعا جوعارى باعا بەردى. ونىڭ ايتۋىنشا، نيدەرلاند قازاقستاندى ورتالىق ازيا ايماعىنداعى نەگىزگى ساۋدا-ەكونوميكالىق جانە ينۆەستيسيالىق سەرىكتەس رەتىندە قاراستىرادى.
حالىقارالىق كۇن ءتارتىبىن تالقىلاۋ اياسىندا مەملەكەت باسشىسى بەيبىتشىلىك پەن كەلىسىم ءۇشىن بارلىق ەلدىڭ جان-جاقتى ىنتىماقتاستىعىن بۇۇ جارعىسىنىڭ قاعيداتتارىنا ساي جولعا قويۋ ماڭىزدى ەكەنىن اتاپ ءوتتى.