ەربولات دوسايەۆ الماتىنىڭ شۇعىلا شاعىن اۋدانىندا جاڭا بالاباقشا قۇرىلىسىن جىل سوڭىنا دەيىن اياقتاۋدى تاپسىردى، دەپ حابارلايدى Almaty-akshamy.kz
الماتىنىڭ شۇعىلا شاعىن اۋدانىنداعى جاڭا بالاباقشا جىل سوڭىنا دەيىن پايدالانۋعا بەرىلەدى
ورىن تاپشىلىعى ماسەلەسىن شەشۋ ءۇشىن الماتى قالاسىنىڭ ناۋرىزباي اۋدانىندا جىل سوڭىنا دەيىن 1200 ورىندىق 4 بالاباقشا سالىنادى
الماتى اكىمى ەربولات دوسايەۆ ناۋرىزباي اۋدانىنا جۇمىس ساپارى اياسىندا «شۇعىلا» ش/ا 320 ورىندىق بالاباقشا قۇرىلىسىنىڭ قارقىنىن تەكسەردى. ونىڭ مىسالىندا مەكتەپكە دەيىنگى ۇيىمدارداعى ورىن تاپشىلىعى ماسەلەسىن شەشۋ بويىنشا قابىلدانىپ جاتقان شارالارمەن تانىستى.
بالاباقشانىڭ قۇرىلىسى 2022 جىلدىڭ مامىر ايىندا باستالدى. قۇرىلىستىڭ نورماتيۆتىك مەرزىمى-10 اي. كەستەدەن ارتتا قالۋعا قاتىستى قالا اكىمدىگى اعىمداعى جىلدىڭ قىركۇيەك ايىندا «استانا-سترويينۆەست» كورپوراسياسى ج ش س مەردىگەرلىك ۇيىمىنا ءىسىن قوزعادى. قازىرگى ۋاقىتتا سوت پروسەسى ءجۇرىپ جاتىر.
نىساندى ارالاۋ كەزىندە قالا باسشىسىنا بۇگىنگى كۇنى ءمونوليتتى جۇمىستار اياقتالىپ، كەراميكالىق كىرپىشتەن جاسالعان قابىرعالار قالانىپ، ەدەن توسەۋ جۇمىستارى جۇرگىزىلگەنى باياندالدى. قاسبەت، قۇرىلىمدار تولىعىمەن ورنالاستىرىلعان، سونداي-اق جەلدەتۋدى ۇيىمداستىرۋ، ينجەنەرلىك جەلىلەردى توسەۋ جۇمىستارى جۇرگىزىلدى. قازىرگى ۋاقىتتا ەلەكتر جەلىلەرى تارتىلىپ، جىلىتۋ جولعا قويىلدى. مەردىگەر كومپانيا ينتەرەردى بەزەندىرۋ، اباتتاندىرۋ، سونداي-اق تەحنيكالىق جابدىقتاردى ساتىپ الۋ جانە جەتكىزۋ بويىنشا جۇمىستاردى اياقتاۋى كەرەك.
ايتا كەتەرلىگى، جاڭا بالاباقشانى پايدالانۋعا بەرۋ اۋداننىڭ مەكتەپكە دەيىنگى ۇيىمدارىندا ورىن تاپشىلىعىن ازايتۋعا مۇمكىندىك بەرەدى. اتاپ ايتقاندا، «شۇعىلا» شاعىن اۋدانىندا 7500-دەن استام ادام تۇراتىن 40 كوپپاتەرلى تۇرعىن ءۇي («الەم سيتي» تك قوسا العاندا) بار.
ناۋرىزباي اۋدانىندا بارلىعى 1041 ورىندىق 5 مەملەكەتتىك بالاباقشا جانە 6360 ورىندىق 120 جەكە مەنشىك بالاباقشا جۇمىس ىستەيدى. 2023 جىلى اۋداندا 1007 ورىندىق 17 جەكە بالاباقشا اشىلدى. 2024 جىلعا 1200 ورىندىق قوسىمشا 4 بالاباقشا سالۋ جوسپارلانعان. ولاردىڭ ىشىندە «شۇعىلا»، «قۇرامىس»، «قالقامان-2» شاعىن اۋداندارىنداعى بالاباقشالار بار.
تەكسەرۋ قورىتىندىسى بويىنشا ەربولات دوسايەۆ قۇرىلىس، ءبىلىم باسقارمالارى باسشىلارىنىڭ نازارىن بالاباقشادا بۇلدىرشىندەر ءۇشىن بارىنشا ءقاۋىپسىز جانە قولايلى جاعداي جاساۋ ماقساتىندا جۇمىس ساپاسىن جاقسارتۋعا، تەحنيكالىق باقىلاۋدى كۇشەيتۋگە اۋداردى. قالا باسشىسى جەدەل جويۋدى قاجەت ءبىرقاتار ولقىلىقتار جونىندە ەسكەرتۋ جاسادى. بارلىق جۇمىستاردى، سونىڭ ىشىندە ىرگەلەس اۋماقتى اباتتاندىرۋدى اعىمداعى جىلدىڭ سوڭىنا دەيىن اياقتاۋ تاپسىرىلدى.
انىقتاما:
الماتى بالاباقشالارىنا كەزەك 1-6 جاس ارالىعىندا - 41 065 بالا، 3-6 جاس ارالىعىندا - 16 545 بالا. 2 جاستان 6 جاسقا دەيىنگى بالالاردى قامتۋ 74%، 3 جاستان 6 جاسقا دەيىن – 94% قۇرادى. الماتىدا جالپى 80 561 بالانى قامتيتىن 951 مەكتەپكە دەيىنگى ۇيىم جۇمىس ىستەيدى، ونىڭ ىشىندە مەملەكەتتىك 194، جەكە 757، ونىڭ 664ء-ى مەملەكەتتىك ءبىلىم بەرۋ تاپسىرىسىن الادى. الماتىدا اعىمداعى جىلدىڭ باسىنان بەرى بارلىعى 290 ورىندىق 1 مەملەكەتتىك بالاباقشا جانە 5615 ورىندىق 80 جەكە مەنشىك بالاباقشا اشىلدى.