الماتىدا قالقامان ش/ا جوندەۋدەن وتكەن جەراستى وتكەلىنە جارىق جۇرگىزىلىپ، بەينەكامەرالار ورناتىلدى، دەپ حابارلايدى Almaty-akshamy.kz
ناۋرىزباي اۋدانىنداعى جەراستى وتكەلىندەگى پاننودا قالقامان باتىر بەينەلەنگەن
الماتى اكىمى ەربولات دوسايەۆ ناۋرىزباي اۋدانىن جۇمىس ساپارىمەن ارالاۋ جانە تۇرعىندارمەن كەزدەسۋ بارىسىندا 7ء-شى «قالقامان» قالالىق اۋرۋحاناسىنىڭ جانىنداعى جاڭعىرتىلعان جەراستى وتكەلىن كوردى. جوبا «حالىق قاتىساتىن بيۋدجەت» باعدارلاماسى اياسىندا جۇزەگە اسىرىلدى.
بيىل قىركۇيەك ايىندا باستالعان جوندەۋ جۇمىستارى كەزىندە كەراموگرانيتتى پليتالار، جارىق جەلىلەرى مەن ساندىك پانەلدەر، ەلەكتر كابەلدەرى ورناتىلدى.
قالا باسشىسى بۇعان دەيىن الماتىنىڭ جەراستى وتكەلدەرىنە جارىق جۇرگىزىپ، ءقاۋىپسىز ەتۋ مىندەتىن قويعان بولاتىن. قالقامان شاعىن اۋدانىنداعى جەراستى وتكەلىندە جارىقتاندىرۋ ورناتىلىپ، پوليسيا بەكەتىمەن بايلانىسى بار بەينەباقىلاۋ كامەرالارى اۋىستىرىلدى. بۇل مەتروداعى ستيحيالىق ساۋدانىڭ الدىن الىپ، ۆانداليزمنەن كۇرەسۋگە كومەكتەسەدى.
ناۋرىزباي اۋدانىنىڭ اكىمى ءنازيرا توعىزبايەۆا ەربولات دوسايەۆقا بۇگىندە قالالىق اۋرۋحانانىڭ جانىنداعى جەراستى وتكەلى بويىنشا جۇمىستار اياقتالعانىن باياندادى. ءقازىر وندا تاۋلىك بويى اۋەن وينايدى.
سۋرەتشىلەر وداعى تاپسىرىسپەن جاساعان قازاق حالقىن جوڭعار شاپقىنشىلىعىنان قورعاۋشى قالقامان باتىر بەينەلەنگەن پاننو جاڭعىرتىلعان نىساننىڭ بەزەندىرىلۋى بولىپ تابىلادى. بۇل پانەلدە اسكەري قارۋ-جاراقتىڭ، قالقاننىڭ، جەبەنىڭ جانە ات ابزەلدەرىنىڭ بەينەسى قولدانىلعان. ارت-نىساندا QR-كود بار، ول بويىنشا ناۋرىزباي اۋدانى (الاڭ، الەۋمەتتىك نىساندار، اۋدان اكىمدىگىنىڭ بايلانىس دەرەكتەرى) تۋرالى اقپاراتتى بىلۋگە بولادى.
ايتا كەتەيىك، بۇل جەراستى وتكەلدەرىن 10 مىڭعا جۋىق ادام پايدالانادى. ناۋرىزباي اۋدانىندا بارلىعى 3 جەراستى جاياۋ جۇرگىنشىلەر وتكەلى بار:
1. رايىمبەك داڭعىلىنىڭ بويىندا № 7 قكا الدىندا (ورتالىق)؛
2. رايىمبەك داڭعىلىنىڭ بويىندا جىبەك جولى بازارىنىڭ الدىندا (ءاشىموۆ كوشەسىنىڭ شىعىسىندا)؛
3. رايىمبەك داڭعىلىنىڭ بويىندا، سۇرانشى باتىر كوشەسىنىڭ قيىلىسى (ءاشىموۆ كوشەسىنىڭ باتىسىندا).
الماتىدا 2023 جىلى بارلىعى 42 جەراستى جانە 49 جەرۇستى جاياۋ جۇرگىنشىلەر وتكەلىندە جوندەۋ جۇمىستارى جۇرگىزىلدى. ءارقايسىسىندا جارىقتاندىرۋ مەن بەينەباقىلاۋ جۇرگىزىلەدى جانە جايلى ءجۇرىپ-تۇرۋ ءۇشىن، ونىڭ ىشىندە قوزعالۋى قيىن توپتار ءۇشىن ينفراقۇرىلىم قۇرىلادى.