وسىدان كەيىن ەلدە ەرەۋىلدەر باستالدى.
شري-لانكا قاجەتتى تاۋارلاردى يمپورتتاۋ ءۇشىن ۆاليۋتاسى تاۋسىلعاننان كەيىن، 51 ميلليارد دوللارلىق سىرتقى قارىز بويىنشا دەفولت جاريالادى، دەپ حابارلايدى Almaty-akshamy.kz Inbusiness.kz سىلتەمە جاساپ.
بۇل مەملەكەت تاۋەلسىزدىك العاننان بەرگى ەڭ اۋىر ەكونوميكالىق داعدارىستى باستان كەشىرۋدە. ەنەرگيانىڭ ۇنەمى ءوشىرىلۋى، ازىق-تۇلىك پەن وتىننىڭ جەتىسپەۋشىلىگى سياقتى ماسەلەلەر - شري-لانكاعا ءتان قۇبىلىستار.
«ۇكىمەت شۇعىل شارانى ەلدىڭ قارجىلىق جاعدايىنىڭ ودان ءارى ناشارلاۋىنا جول بەرمەيتىن سوڭعى شارا رەتىندە عانا قابىلدايدى، – دەپ جازىلعان جەرگىلىكتى ۇكىمەتتىڭ مالىمدەمەسىندە.
بيلىكتىڭ ايتۋىنشا، حالىقارالىق ۆاليۋتا قورىنىڭ (حۆق) كومەگىمەن ەكونوميكانى قالپىنا كەلتىرۋ باعدارلاماسىنان بۇرىن بارلىق كرەديتورلارعا تەڭ قۇقىق بەرۋ ءۇشىن دەرەۋ دەفولت قاجەت بولعان. وسىدان كەيىن شري-لانكانىڭ حالقى ۇكىمەتكە قارسى نارازىلىق شارالارىن ۇيىمداستىرىپ باس كوتەرە باستادى.