ەكى ايدىڭ ىشىندە ازاماتتاردان 110 ءوتىنىش ءتۇستى
شىعىس قازاقستان تۇرعىندارى زاڭسىز ساقتالعان 149 اتىس قارۋىن تاپسىردى، دەپ حابارلايدى Almaty-akshamy.kz شقو پد-نە سىلتەمە جاساپ.
ايماقتاعى پوليسيا دەپارتامەنتىنىڭ مالىمەتىنشە، 2014 جىلدان بەرى ەل اۋماعىندا ۇكىمەت قاۋلىسىنا سايكەس حالىقتان زاڭسىز ساقتالعان اتىس قارۋىن، وق-دارىلەر مەن جارىلعىش زاتتاردى ەرىكتى تۇردە ساتىپ الۋ اكسياسى وتكىزىلەدى.
«قارۋ-جاراق زاتتارىن ءوز ەركىمەن تاپسىرعانى ءۇشىن قارۋدىڭ ءتۇرى مەن ساناتىنا قاراي رەسپۋبليكالىق بيۋدجەتتەن تولەم جاساۋ كوزدەلەدى، تولەم 10-نان 100 اەك-كە دەيىن، ال اقشالاي بالامادا 31 800-دەن 318 مىڭ تەڭگەگە دەيىن قۇرايدى. ەكى ايدىڭ ىشىندە ازاماتتاردان 110 ءوتىنىش ءتۇستى، 149 بىرلىك اتىس قارۋى، ونىڭ ىشىندە 26 ويىق جانە 123 تەگىس ۇڭعىلى قارۋ قابىلداندى، 370 ويىق وق-دارىلەرى جينالدى. ولاردىڭ الدىن الا سوماسى – 9 846 753 تەڭگە»، - دەپ جازدى ۆەدومستۆودان.