قار جىلدام ەرىپ، جولدار شايىلىپ جاتىر
قىرعىزستاننىڭ تابيعي رەسۋرستار، ەكولوگيا جانە تەحنيكالىق قاداعالاۋ مينيسترلىگى ىستىقكول وبلىسى جەتى-وعىز اۋدانىندا ارقارلاردىڭ قىرىلۋ سەبەبىن ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ۆەدومستۆونىڭ مالىمەتىنشە، ينسپەكتورلار تەكسەرىس جۇرگىزگەن. ولاردىڭ ايتۋىنشا، قار قالىڭ جاۋىپ، سونىڭ سالدارىندا ازىق بولماي قالعان. بۇل جانۋارلاردىڭ جاپپاي قىرىلۋىنا اكەلىپ وتىر.
ءقۇمتور اۋدانىندا 11، سارىچات-ەرتاش قورىعىندا 24، بارلىعى 35 ارقاردىڭ قىرىلعانى انىقتالدى.
«بۇگىنگى تاڭدا بۇل جەرلەردە قار جىلدام ەرىپ، جولدار شايىلىپ جاتىر. سوندىقتان، ولگەن جانۋارلاردىڭ ناقتى سانىن انىقتاۋ مۇمكىن ەمەس. قوسىمشا اقپارات كەيىنىرەك بولادى»، - دەلىنگەن حابارلامادا.